Բանակցությունները մտնում են ինտենսիվ փուլ, սակայն մենք գնալով առավել քիչ ինֆորմացիա ենք ունենալու՝ ինչ փաստաթուղթ է դրված սեղանին. Ա. Էլիբեգովա. Տեսանյութ

Արդեն մեկուկես տարի է, որ ադրբեջանցիները փորձում են լեգիտիմացնել ադրբեջանական համայնքը. Ադրբեջանը Արցախում վիրտուալ ստեղծել է ընտրատեղամասեր, և առաջիկա խորհրդարանական ընտրություններին իրենք թեկնածու ունեն Ստեփանակերտի «ընտրատեղամասից», որն էլ ընտրվելու դեպքում լինելու է բարձր սուբյեկտայնություն ունեցող անձնավորություն: Այս մասին Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է Ադրբեջանի հարցերով փոչձագետ Անժելա Էլիբեգովան:

Իսագուլյանի խոսքով՝ Նիկոլ Փաշինյանը Կապանում իր վերջին ասուլիսի ժամանակ էլ խոսեց մի փաստաթղթի մասին, որը նա գցեց նախկին իշխանությունների վրա՝ ասելով, որ այդ փաստաթուղթն իրեն մնացել է նախորդներից. «Այն, ինչ ասեց Նիկոլը Կապանում, այդ քարոզն այսօր Արցախի սահմանամերձ գյուղերում տանում են։ Ժողովրդին քարոզում են, որ վաղ, թե ուշ այս հողերը հանձնելու են»։

Դիտարկմանը՝ ի՞նչ մոտեցումներ ունի այսօրվա իշխանությունը, Լարիսա Ալավերդյանն ասաց. «Ես վախենում եմ, որ այս իշխանությունն ունի իր-իսկ մոտեցումներն արցախյան հարցի շուրջ»:

Լարիսա Ալավերդյանը չի հասկանում՝ որքան պետք է խոսեն նախկինների թողած ժառանգությունից, որովհետև նախկիններն իրենց արածների համար, ինչպես ինքն է նշում, տեսնում ենք՝ որտեղ են:

Խոսելով ՀՀ և Ադրբեջանի ԱԳ նախարարներ Զոհրաբ Մնացականյանի ու Մամեդյարովի հանդիպումից ու դրա արդյունքներից՝ Անժելա Էլիբեգովան ասաց. «Բանակցությունները փաստացի մտնում են ինտենսիվ փուլ: Կա հստակություն՝ ինչ-որ փաստաթղթի շուրջ բանակցել, սակայն մենք գնալով առավել քիչ ինֆորմացիա ենք ունենալու՝ ինչ փաստաթուղթ է դրված սեղանին»:

Ադրբեջանագետի դիտարկմամբ՝ կարևորը հանդիպման մի քանի ժամերը չեն, որովհետև մենք տեսնում ենք, որ Արդբեջանը թե՛ դիվանագիտական, թե՛ պատերազմական մարտավարություններ է մշակում:

Լարիսա Ալավերդյանն էլ նշում է, որ ժամանակն է հստակ աշխատանքներ իրականացնել. «Չի կարելի զենքը գցել ձեռքներիցս։ Պետք է աշխատել, որ հասարակության որոշիչ ուժը չլինեն «պողոսները»»։