Երբ խաղադաշտ դուրս կգա Հենրիխ Մխիթարյանը

«Ռոմա»-ի կիսապաշտպան Հենրիխ Մխիթարյանն ապաքինվել է ձախ ազդրի վնասվածքից, որը ստացել էր «Տորինո»-ի դեմ խաղում:

Ինչպես հաղորդում է Corriere dello Sport-ը, Մխիթարյանը երեկ մարզում է անցկացրել ընդհանուր խմբում: Հավանաբար նա լիարժեք մասնակցություն կունենա նաև հաջորդ մարզմանը և կարող է հայտավորվել առաջնության 23-րդ տուրի՝ «Բոլոնիա»-ի հետ փետրվարի 7-ին կայանալիք հանդիպմանը:

Մխիթարյանն Ա սերիայի ընթացիկ առաջնությունում մասնակցել է 9 խաղի (4-ը՝ մեկնարկային կազմում) ու դարձել 3 գոլի հեղինակ:

Zham.am