Գյուլենը համեմատել է Էրդողանին Հիտլերի և Ստալինի հետ

Հայտնի թուրք քարոզիչ Ֆեթհուլլահ Գյուլենը գերմանական «Die Welt» -ին տված հարցազրույցում ներկայիս Թուրքիայի նախագահին համեմատել է Ստալինի և Հիտլերի հետ: Գյուլենի կարծիքով Էրդողանը ձգտում է դառնալ ոչ միայն Թուրքիայի, այլև «ողջ իսլամական աշխարհի»  առաջնորդը: Եվ այդ ձգտման արդյունքում, ըստ Գյուլենի, Էրդողանը փորձում է հենվել այնպիսի հոգեբանական հատկությունների  վրա, ինչպիսիք են նախանձը, ատելությունն ու քինախնդրությունը: Ըստ թուրք քարոզիչի,  Էրդողանը գրեթե բոլոր որոշումները կայացվում է պարանոյայի ազդեցության տակ: Դրանից ելնելով էլ, ըստ Գյուլենի, Էրդողանը չունի և չի էլ կարող ունենալ գործընկերներ: Եվ այդ առումով նրա իբր «նոր մոտեցումները» Մոսկվայի հանդեպ  կարճաժամկետ բնույթ ունեն: Քանզի որևէ քաղաքական տեսակետ չունեցող և մերժող Էրդողանը չի կարող ունենալ նաև կայուն մոտեցում որևէ լուրջ հարցի վերաբերյալ,- արձանագրում է Գյուլենը գերմանական պարբերականին տված իր հարցազրույցում:

Zham.am