ՌԴ չեմպիոնի մասնակցությամբ սկանդալային միջադեպից հետո հայ բռնցքամարտիկը հանդես կգա վկայի կարգավիճակով . Տեսանյութ

Ռուսաստանի բռնցքամարտի չեմպիոն Գեորգի Կուշիտաշվիլիի դեմ քրեական գործ է հարուցվել Ռոսգվարդիայի աշխատակցի քիթը կոտրելու պատճառով: Այս մասին «Лента.ру»-ին հաղորդել է Ռոսգվարդիայի պաշտոնական ներկայացուցիչ Վարելի Գրիբակինը:

Ռոսգվարդիայում հաստատել են բռնցքամարտիկի հարձակումը ռոսգվարդիականի վրա, ինչպես նաև հաղորդել են, որ նրա մոտ հայտնաբերվել է 0,7 գրամ պարունակությամբ կոկաին տեսակի թմրանյութ: 

Պատահարի մասին հայտնի է դարձել փետրվարի 2-ին: Նշվում է, որ Կուշիտաշվիլին և նրա ընկերը Հովիկ Հովհաննիսյանը, որը նույնպես բոքսով է զբաղվում, Մոսկվայում կանգնեցվել են իրավապահների կողմից փաստաթղթերը ստուգելու նպատակով, որից հետո էլ Ռուսաստանի չեմպիոնը հարված է հասցրել Ռոսգվարդիայի աշխատակցին:

Ինչպես հաղորդում է ՏԱՍՍ գործակալությունը, քրեական գործի շրջանակներում Հովիկ Հովհաննիսյանը ներգրավված է վկայի կարգավիճակով: 

Ի դեպ Գեորգի Կուշիտաշվիլիի գործով վճիռը կկայացնի ռազմական դատարանը:

Zham.am