«Ընդդիմադիր» թերթը ստանձնել է Երանոսյանի պաշտպանի դերը

Երեկ Ջրառատում տեղի ունեցած հանցագործությունից հետո, որի անմիջական մասնակիցը Սերժ Սարգսյանի հովանավորյալ` Երանոսյանների ընտանիքի անդամներն էին, ՀՀԿ-ականները փորձում են խուսափել այդ թեմայի շուրջ խոսալուց, առավել ևս Երանոսյաններին պաշտպանելուց: Բայց արի ու տես, որ թունդ ընդդիմադիր «Ժամանակ» թերթը` և թերթին կից 1in.am կայքը ստանձնել են Երանոսյանների պաշտպանի դերը:

Սա ինքնին աբսուրդ է, սակայն վերջը չէ: «Ժամանակ» թերթն իրականությունից այնքան է կտրվել, որ այդ ամենի մեղավոր է հայտարարել Սամվել Բաբայանին: Պատկերացնու՞մ եք: Երանոսյան եղբայրները նրանց հանցակիցների հետ միասին կրակել ու լոմով ծեծել են 16-17 տարեկան պատանիներին, իսկ «Ժամանակը» գրում է, որ դա կազմակերպել է Սամվել Բաբայանը: Ի՞նչ է սա նշանակում: Ուզում է ասել, որ Երանոսյանները Սամվել Բաբայանի համա՞ր են աշխատում: Սամվել Բաբայանը ստիպե՞լ է Երանոսյանին, որ գնա ու մի քանի օր տեռորի ենթարկի մի ամբողջ գյուղ:

Իհարկե, այս ամենն ինքնին խնդալու է, սակայն սա լուրջ մտորումների տեղիք է տալիս: Փաստորեն, մեր ծախված ու փչացած լրատվական դաշտից հայտնվեց ընդամենը մեկը, որ փորձեց նույնիսկ այս պայմաններում պաշտպանել Սերժ Սարգսյանի սպասավորին: Եվ դա իրեն «արևմտամետ» և «խիստ ընդդիմադիր» հռչակած թերթն ու կայքն են: Նույնիսկ բացահայտ իշխանական կայքերն են լռում սրա մասին, քանզի ասելու բան ուղղակի չունեն: Բայց արի ու տես, որ կա մեկը, որ փորձում է Հռոմի պապից ավելի հանրապետական երևալ և մտնել «շեֆի» աչքը:

Հ.Գ. Այս տխրահռչակ՝ իբր ընդդիմադիր և արևմտամետ թերթն ու կայքը նաև արտասահմանյան գրանտեր է ստանում, և լավ կլինի, որ նրանց փող տվողներն էլ ֆիքսեն այս պահն ու մեկ անգամ ևս մտածեն, արդյոք արժի նման մարդուն փող տալ:

Հրանտ Ենոքյանի ֆեյսբուքյան էջից