ՌԴ դեսպանատուն. «Ռուսական հեռուստաալիքները վտանգ են ներկայացնում ՀՀ ազգային անվտանգության համար» թեզը տարակուսանք է առաջացնում

Ռուսաստանի դեսպանության մամուլի ծառայությունը արձագանքել է Հայաստանի հեռուստատեսության և ռադիոյի ազգային կոմիտեի նախագահ Տիգրան Հակոբյանի հայտարարությանը, առ այն, որ հայկական մուլտիպլեքսից կարող են հեռացվել նաև ռուսական հեռուստաալիքները:

Հայտարարության մեջ մասնավորապես ասված է.

«Ուշադրությամբ հետևում ենք Հայաստանի հեռուստատեսության և ռադիոյի ազգային կոմիտեի նախագահ Տ. Հակոբյանի հայտարարություններին, ըստ որի, հայկական մուտիպլեքսում օտարերկրյա հեռուստաալիքների հեռարձակումը ( որոնց թվում են նաև ռուսական հեռուստաալիքները ) վտանգ են ներկայացնում ՀՀ անվտանգությանը, և ի զարմանս մեզ իմացանք, որ, ըստ Տ. Հակոբյանի, այդ կարծիքի հետ համամիտ է նաև ՌԴ դեսպանը:

Կուզենայինք հիշեցնել, որ Հակոբյանի կողմից հնչեցրած թեզն, առ այն, որ իրենք մտադրություն ունեն ստեղծել մինիմալ «սոցիալական մուլտիպլեքս» առանց օտարերկրյա հեռարձակողների ընդունվել էր ի գիտություն: Միևնույն ժամանակ դիվանագիտական առաքելության ղեկավարի կողմից նշվել է, որ անհրաժեշտ է հաշվի առնել ռուսալեզու բազմաթիվ ալիքների մշտական լսարան կազմող Հայաստանի քաղաքացիների շահերը:

Ընդանուր առմամբ «ռուսական հեռուսատաալիքների ազգային անվտանգության սպառնալիք» հանդիսանալու մասին թեզը տարակուսանք է առաջացնում հատկապես Հայաստանի ղեկավարության այն հայտարարությունների ֆոնին, որ Հայաստանի և Ռուսաստանի միջև առկա են դաշնակցային, եղբայրական և ռազմավարական բնույթի հարաբերություններ»:

Zham.am