Հայաստանը առանց վիզա արտերկիր այցելելու հարցում զիջում է Ռուսաստանին, Վրաստանին, Ադրբեջանին և Թուրքիային

Այսօրվա կառավարության նիստում  հարցերի քննարկումներից պարզ դարձավ, որ Հայաստանի քաղաքացիները  63 երկիր կարող են այցելել առանց վիզայի: Քիչ է սա թե շատ հարաբերական խնդիր է: Նայած,  թե որ երկրի հետ կհամեմատենք: Հասկանալի է, որ, օրինակ,  Նորվեգիայի, Սինգապուրի, Էմիրատների կամ Ճապոնիայի  համեմատ մենք  վատ դիրքերում ենք: Իսկ, օրինակ,  Չադի  կամ Հարաֆային Սուդանի համեմատ՝ լավ: Սակայն ավելի իրական է համեմատել մեր հարևան երկրների հետ և  ավելի օբյեկտիվ պատկեր  ստանալ մեր դիրքերի մասին: Պարզվում է, որ այս հարցում  մենք լավ վիճակում չենք: Այսպես, եթե Հայաստանի քաղաքացին կարող է առանց վիզայի այցելել 63 երկիր, ապա Ադրբեջանի քաղաքացին՝ 67, Վրաստանի ու Թուրքիայի քաղաքացիները կարող են մեկնել առանց վիզայի 74 երկիր, իհարկե  չհաշված այն ԵՄ երկրների, որոնց դռները  առանց վիզա բաց են  վրացիների համար: Սակայն պարզվում է, որ տարածաշրջանում  ամենալավ վիճակում ռուսներն են. նրանք առանց վիզայի կարող են այցելել 100 երկիր:

Այնպես որ ամեն ինչ  պետք չէ շտապել ու ներկայացնել որպես «ձեռքբերում»: Մանավանդ, որ այս հարցում մեր դիվանագետների աշխատանքը կարելի է անբավարար համարել:

Արտակ Հակոբյան