Ռեյթինգը/ինդեքսը, իհարկե, լավ բան է, եթե չլիներ շատ կարևոր ԲԱՅՑ...
Ալիքներն էինք թերթում, մեկ էլ Նիկոլ Փաշինյանն է ելույթ ունենում։ Կանգնեցինք այն պահի վրա, երբ ասում է, որ ժողովրդավարության ռեյթինգով մենք առաջընթաց ենք գրանցել։ Բնականաբար չի նշվում, թե որ ռեյթինգի մասին է խոսքը։ Հավանաբար նկատի ուներ «The Economist»-ի ժողովրդավարության ինդեքսը։
Ռեյթինգը/ինդեքսը, իհարկե, լավ բան է, եթե չլիներ շատ կարևոր ԲԱՅՑ։ Ռեյթինգով երկրում առաջընթացի մասին դատելիս պետք է հաշվի առնել մեթոդաբանությունը։ Մի շարք ռեյթինգներն ու ինդեքսները հիմնվում են այսպես կոչված «փորձագիտական գնահատականների» (խոսքը, ի դեպ, տվյալ երկրում աշխատող փորձագետների մասին է) , ինչպես նաև բնակչության շրջանակներում իրականացվող հարցումների արդյունքների վրա։
Առաջին բաղադրիչի պարագայում սուբյեկտիվության աստիճանը բավականին մեծ է (մանավանդ այն պարագայում, եթե փորձագետների շրջանակներում կան այսպես կոչված «հեղափոխության շահառուներ»)։ Դե, իսկ երկրորդ բաղադրիչի պարագայում, այն էլ շատերի կողմից սպասված և անհնարին թվացող իշխանափոխությունից ընդամենը 1,5-2 տարի անց, խոսել օբյեկտիվության մասին գրեթե անհնար է։
Իսկ ընդհանուր առմամբ, իհարկե, ինդեքսներն ու ռեյթինգները լավ բան են։
Նինա Մարգարյանի ֆեյսբուքյան էչից:
Հետևեք մեզ Facebook-ում