Սա է Սերժ Սարգսյանի խոստացված «անվտանգությունն ու առաջընթացը»

Ջրառատում տեղի ունեցած դեպքերը՝ երիտասարդների վրա կրակելը ցույց է տալիս ՀՀԿ-ի իրական դեմքն ու իրական դերակատարներին: Այս խայտառակ հանցագործությունը¸ որի անմիջական մասնակից են Երանոսյան եղբայրները¸ ցույց է տալիս¸ թե իրականում ինչ թիմով է Սերժ Սարգսյանը գնում ընտրությունների:

Էն պուպուշ Պնախն ու Արդարադատության նախարարուհին¸ «միամիտ»
Քաղաքապետի հետ միասին ընդամենը շիրմա են¸ «անվտանգություն և առաջընթաց» ապահովողը Լևոն Երանոսյանն է լինելու իր մարդասպան եղբայրներով ու մնացած հանցագործներով: Այս ամենը մեզ պետք է սթափեցնի¸ այդ երեխաների փոխարեն¸ որոնց վրա Սերժ Սարգսյանի ենթականերն այսօր կրակել են¸ հանգիստ կարող էինք լինել մենք ու մեր երեխաները՝ ոչ Լևոն Երանոսյանը¸ ոչ էլ Սերժ Սարգսյանի մնացած սպասավորները որևէ սրբություն չունեն¸ նրանց միակ սրբությունը փողն է ու դրանով էլ նրանք առաջնորդվում են:

Ես չգիտեմ¸ թե Երանոսյանը ինչ է արել Արցախյան ազատամարտի տարիներին¸ սակայն այն¸ ինչ անում է հիմա ցույց է տալիս¸ որ այն ժամանակ էլ նա աշխատում ու կռվում էր բացառապես փողի համար: Այն ժամանակ պարզապես շահավետ էր թուրք սպանել¸ իսկ հիմա հային սպանելն է շահավետ:

Այս մարդիկ քրեական հանցագործներ են¸ և այն¸ որ նրանք չեն ձերբակալվել ցույց է տալիս¸ որ Սերժ Սարգսյանը հավանություն է տալիս այդ հանցագործություններին և խրախուսում է դա: Սա է Սերժ Սարգսյանի խոստացված «անվտանգությունն ու առաջընթացը»: Պատկերացնում եմ¸ մեր թշնամիները հիմա սա տեսնելով ինչպես են ուրախանում: Բացառված չի¸ որ շուտով նաև Էրդողանին տեսնենք ՀՀԿ-ի քարոզարշավին: Հիմա մենակ ՀՀԿ-ն ու Ադրբեջանն են ձեռք ձեռքի տված հայերի վրա կրակում:

Հրանտ Ենոքյանի ֆեյսբուքյան էջից