Այժմ երկրի թիվ մեկ խնդիրը պետք է դառնա վարչապետի նոր թեկնածու գտնելը․ Հրանտ Մելիք-Շահնազարյան

«Երկրի վարչապետը համազգային ծաղրի առարկա է դարձել։ Տեսեք, թե ինչ է կատարվում սոցիալական ցանցերում։ Դուրս եկեք փողոց ու մարդկանց հարցրեք, թե ինչ են կարծում իրենք Փաշինյանի «փաստերի» ու «փաստարկների» մասին։ Խայտառակ ու ամոթ վիճակ է։

Այն, ինչի մասին դեռ օրեր առաջ ընդամենը մի քանի հազար մարդ էր խոսում, հիմա բոլորին է ակնհայտ դարձել՝ Նիկոլը սուտասան է և վատ ղեկավար։ Սա է այսօրվա Հայաստանի գլխավոր փաստը։

Այսօրվանից սկսած երկրի թիվ մեկ խնդիրը պետք է դառնա վարչապետի նոր թեկնածու գտնելը։ Սա է քաղաքական օրակարգի գլխավոր խնդիրը և այս հարցի լուծման շուրջ է, որ պետք է համախմբվեն Հայաստանի բոլոր կարող ուժերը»:

Հրանտ Մելիք-Շահնազարյանի ֆեյսբուքյան էջից