Կրակոցներ եղել են Ռոբերտ Քոչարյանի գրասենյակի շուրջ. աջակից. տեսանյութ

Կրակոցներ եղել են ՀՀ երկրորդ նախագահ Ռոբերտ Քոչարյանի գրասենյակի շուրջ: Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի աջակից Արմեն Մինասյանը: Նա նշեց, որ տեղեկություն չունի, թե պատանդներ կան ներսում, թե ոչ:

Նա նշեց, որ իրենց վերլուծությամբ, կրակոցներն ուղղված են եղել իրենց: «Կառավարության կողմից հռչակված մարդաորսը շարունակվում է, ես որպես աջակից տեղեկացել եմ, որ այստեղ կրակոցներ են եղել, շտապել եմ այստեղ»,-ասաց նա:

Արմեն Մինասյանը նշեց, որ այս վերջին օրերին էլ խմբեր էին պտտվում քաղաքում և զգում էին, որ իրենց հետևում էին: Նա նաև ասաց, որ Ռոբերտ Քոչարյանի գրասենյակը գտնվում է վեցերորդ հարկում, իսկ թե կրակոցները որ հարկում են եղել, չի կարող ասել:

Մանրամասները՝ տեսանյութում