ՀՀԿ-ականները զինված հարձակում են գործել Ջրառատում «ՕՐՕ» դաշինքի համակիրների վրա. կան վիրավորներ. նոր մանրամասներ (տեսանյութ)

Zham.am-ը կապվեց «Օհանյան-Րաֆֆի-Օսկանյան» դաշինքի մամլո խոսնակ Արեգնազ Մանուկյանի հետ, որը նոր տեղեկություններ հաղորդեց «Էրեբունի» բժշկական կենտրոն տեղափոխված քաղաքացիների վերաբերյալ: Ըստ մամլո խոսնակի, Մելիք Մելքոնյանի մոտ առկա է ձախ և աջ նստատեղերի կտրած-ծակած վերք, Արայիկ Մելքոնյանը կոտրվածք է ստացել, իսկ Հակոբ Մելքոնյանն ոտնաթաթի հրազենային վնասվածք:

***

Նոր տեղեկություն Ջրառատ գյուղից, հարձակումը տեղի է ունեցել մոտ մեկ ժամ առաջ՝ 14:30-15:00 սահմաններում:
Երեք վիրավոր տեղափոխվել են Երևանի «Էրեբունի» բժշկական կենտրոն:

***

«Օհանյան-Րաֆֆի-Օսկանյան» նախընտրական շտաբի տեղեկություններով այսօր, Ջրառատ գյուղում «Հայաստանի Հանրապետական» կուսակցության (ՀՀԿ) տեղական կառույցի ներկայացուցիչները զինված հարձակում են գործել «Օհանյան-Րաֆֆի-Օսկանյան» դաշինքի համակիրների վրա, որի արդյունքում կան վիրավորներ:

Հավելյալ տեղեկություններ ունենալու դեպքում հանրությանը կտեղեկացնենք հաջորդիվ:

«Օհանյան-Րաֆֆի-Օսկանյան» դաշինքի լրատվական ծառայություն