Դուք մսխում եք ձեզ այստեղ բերած մի մարդու քաղաքական ռեսուրսը. Գևորգ Գորգիսյանը` «Իմ քայլի» պատգամավորներին. Տեսանյութ

22 Հունվար, 2020 11:57

Դիտել նաև

Եպիսկոպոսաց ժողովը կգումարվի Հայաստանից դուրս Արցախի ԱԺ նախագահը հայտարարություն է տարածել ՔՊ-ի ժողովը՝ Ջերմուկում, եթե այս գաղտնազերծման ինադու, Փաշինյանը միտքը չփոխի. «Հրապարակ» Եվրոպան մերժում է «պատերազմի կուսակցության» ներկայացուցիչներին և «Այո» է ասում խաղաղության ազգային-դեմոկրատական ուժերին. Հայաստանին նույնպես սպասում է այս ալիքը «Երեկոյան շատ հետաքրքիր տեղ ենք գնալու»․ Ազգային ճակատ

Քիչ առաջ բուռն քննարկումներ ունեցանք ԱԺ դահլիճում, և ինձ մոտ տպավորություն է ստեղծվում, որ քաղաքական մեծամասնությունը երբեմն մոռանում է, որ ԱԺ-ում քաղաքական երեք ուժեր են ներկայացվել և երեքն էլ այստեղ են եկել ժողովրդի տված քվեյով ու արդար ընտրությունների շնորհիվ, հետևաբար այստեղ պետք է լինեն բանավեճեր: Այս մասին այսօր Ազգային ժողովում ասաց «Լուսավոր Հայաստան» խմբակցության պատգամավոր Գևորգ Գորգիսյանը` անդրադառնալով Ազգային ժողովում քիչ առաջ տեղի ունեցած բանավեճին: Հաղորդում է Tert.am-ը:

«Քաղաքականապես հասուն լինելու վկայությունը ընդդիմախոս խոսքը լսել կարողանալն է և կոռեկտության սահամաններից դուրս չգալը` այդ խոսքը լսելիս: Մեզ բոլորիս այստեղ բերել է ժողովուրդը, բայց ցավոք սրտի օրինակ` դուք մսխում եք ձեր այստեղ բերած մի մարդու քաղաքական ռեսուրսը և զբաղված եք դրանով և այ հենց դուք, որ հիմա ծիծաղում եք, ցավոք, չկարողացաք դրսևորել քաղաքական հասունություն և հավուր պատշաճի գալ քաղաքական երկխոսության դաշտ: Իսկ մեր մյուս հարգելի գործընկերոջը պետք է ասեմ, որ դուք մեզ թույլ չեք տալիս կարոտել նախկիններին, քանզի երբ ամեն անգամ հայտարարում եք, որ հնին վերադարձ չի լինելու, հարգելիներս, հնին վերադարձը չի նշանակում, որ հները գան այստեղ, նստեն, հնին վերադարձը լինում է նաև, երբ դուք զգում եք ձեզ պահել ճիշտ այնպես, ինչպես նախկինները: Դա նույնպես հնին վերադարձ է, երբ դևին սպանողը դառնում է դև: Մեզ ժողովուրդը տվել է քվե, որ մենք դա թույլ չտանք և հենց դրանով ենք մենք այստեղ զբաղված»,-ասաց նա:

Քիչ առաջ Ազգային ժողովը չընդունեց 2018թ. սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով ստեղծված ԱԺ քննիչ հանձնաժողովի անդամների թիվը սահմանելու մասին որոշման նախագիծը: