Փաշինյանը Ծառուկյանի թիմին համարում է «դավաճան լակոտներ և պետականության վրա թքած ունեցող լածիրակնե՞ր»

Ահա այսպիսի գնահատականով  է հանդես եկել ԱԺ-ի ԲՀԿ խմբակցության հասցեին «Իմ քայլը» դաշինքի անդամ, ԱԺ պատգամավոր Քրիստինե Պողոսյանը: Սա այն նույն պատգամավորն էր, ով մեկ տարի առաջ, երբ Փաշինյանը իր վարչապետի թեքնածությունն էր առաջարկում ԱԺ-ում հայտարարեց, որ  «...իր համար, եթե Փաշինյանը չորս տողանոց նախադասությունով էլ հանդես գար,  միևնուն կլիներ, և  նա նրան կընտրեր վարչապետ...»: Ահա այսպիսին են Փաշինյանի թիմակիցների մեծ մասը: Եվ ահա այս տիկինը  նման  հայտարարությունից հետո իրեն համարում է «ժողովրդի ընտրյալ»: Իրականում նա ոչ թե ժողովրդի, այլ Փաշինյանի ընտրյալն է, քանզի պատգամավոր է դարձել ոչ թե իր, այլ Փաշինյանի վարկանիշի շնորհիվ:

Հիշեցնենք, որ այս իմքայլական պատգամավորի գնահատականը ԲՀԿ-ի հասցեին պայմանավորված էր այսօրվա ԱԺ-ում միջադեպով, որտեղ ԲՀԿ-ականների և իմքայլականների միջև բուռն վեճ սկսվեց այն բանից հետո, երբ ԲՀԿ-ականները հարձակվեցին Արման Բաբաջանյանի վրա, այն բանի պատճառով, որ վերջինս մեղադրեց ԲՀԿ-ականներին քրեական շրջանակներին քողարկված աջակցություն ցույց տալու մեջ:

Արդյունքում` ԲՀԿ-ական չորս պատգամավորի հանդեպ կարգապահական միջոց կիրառվեց: Մինչդեռ այս ամենի գլխավոր սադրիչի ` Արման Բաբաջանյան  նկատմամբ ոչ մի պատիժ չկիռարվեց:

Ինչո՞ւ,սա արդեն այլ խոսակցության թեմա է:

Արտակ Հակոբյան