Սերժ Սարգսյանը Ռուսաստանի հետ առևտրատնտեսական գործընկերության և ղարաբաղյան հակամարտության մասին

Ռուսաստանը Հայաստանի կարևոր առևտրատնտեսական գործընկերն է, հայտարարեց Սերժ Սարգսյանը «Известия»-ին:

«ԵԱՏՄ-ին միանալուց հետո մեր տնտեսական և առևտրային հնարավորությունները բավականին ընդլայնվեցին, հաշվի առնելով, որ մեր առաջ բացվեց ԵԱՏՄ անդամ երկրների180 միլիոնանոց շուկան», - ասաց նա:

Սարգսյանը նշեց, որ միությունը հնարավորություններ է ստեղծում ապրանքների և ծառայությունների ազատ տեղաշարժի համար, ինչպես նաև աշխատուժի և կապիտալի:

«Դա, անշուշտ, մեծ առավելություններ են», - հավելեց նա:

Սարգսյանն ընդգծեց, որ երկրի կարևոր առևտրատնտեսական գործընկերներից մեկը և նրա տնտեսության գլխավոր ներդրողը Ռուսաստանն է:

«Ընթացիկ տարում մենք նշում են Ռուսաստանի հետ դիվանագիտական հարաբերությունների հաստատման 25 տարին և «Գործընկերության, համագործակցության ու փոխօգնության» մասին պայմանագրի 20 տարին: Բայց մենք մտադիր չենք կանգնել ձեռքբերումների վրա: Մեր համագործակցության ներուժն, իհարկե, շատ ավելի լայն է», - նշեց նա:

Սերժ Սարգսյանն անդրադարձել է նաև ղարաբաղյան հակամարտությանը. «Լեռնային Ղարաբաղի ժողովրդի ֆիզիակական ոչնչացման շարունակվող սպառնալիքների, Հայաստանի հանդեպ տարածքային հավակնությունների պայմաններում մենք հատուկ ուշադրություն ենք հատկացրել երկրի պաշտպանական կարողություններին: Զարմանալի չէ, որ պետական ինստիտուտների առաջին տեղում է մեր բանակը, որն արդեն երկար տարիներ տարածաշրջանում ամենաուժեղն ու ամենամարտունակն է համարվում: Եվ այսօր, 25 տարի անց, Հայաստանի զինուժը շարունակում են կատարելագործվել՝ ամրապնդելով իրենց օպերատիվ հնարավորություններն ու ժամանակակից ռազմատեխնիկայի հագեցվածությունը, քաղաքացիական դեմոկրատական վերահսկողությունն ու միջազգային ռազմաքաղաքական համագործակցությունը, - հավելելով, որ Հայաստանը շարունակում է մեծացնել և ամրապնդել ռազմատեխնիկական համագործակցության շրջանակներում իր պաշտպանական կարողությունները Ռուսաստանի հետ: - Մենք զորքերի միավորված խմբավորում ենք ստեղծել, ձևավորվել է հակաօդային պաշտպանության միասնական համակարգ: Հայաստանի տարածքում է տեղակայված 102-րդ ռուսական ռազմաբազան»:

Zham.am