ՍԴ նախագահ Հրայր Թովմասյանը հարցաքննվել է

Մամուլում տեղեկություն է տարածվել, որ Սահմանադրական դատարանի նախագահ Հրայր Թովմասյանին հրավիրել են Հատուկ քննչական ծառայություն։

ՀՔԾ-ից փորձեցիք ճշտել, սակայն մեզ ասացին, որ տեղեկություն չեն կարող տրամադրել։

Նշենք, որ դեռեւս դեկտեմբերին 30-ին մենք գրել էինք, որ Թովմասյանի հարցաքննությունը հետաձգվել է՝ պաշտպանների միջնորդությամբ։

Հիշեցնենք, որ Հրայր Թովմասյանին  մեղադրանք է առաջադրվել Քրեական օրենսգրքի 308-րդ հոդվածի երկրորդ մասի հատկանիշներով՝ «պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ»։

***

«Փաստինֆո»-ի տեղեկություններով՝ այսօր ՍԴ նախագահ Հրայր Թովմասյանը հարցաքննվել է ՀՔԾ-ում։ Պետական կառույցից որեւէ մեկնաբանություն չտվեցին, իսկ Հրայր Թովմասյանի պաշտպան Ամրամ Մակինյանն ասաց, որ չի մեկնաբանում տեղեկատվությունը՝ վկայակոչելով ՍԴ մասին օրենքը, որը որոշակի արգելք է սահմանում դատավորների մասնակցությամբ կատարվող քննչական գործողությունների մասին տեղեկատվություն տրամադրելու հարցում։

«Քրեական վարույթի շրջանակում դատավորի նկատմամբ գործողությունները կատարվում են՝ առավելագույնս ապահովելով մինչդատական վարույթի գաղտնիությունը, դատավորի և դատական իշխանության հեղինակության ու անկախության նկատմամբ հարգանքը, բացառելով դատավորի գործունեությանը ուղղակի կամ անուղղակի որևէ միջամտություն»,-նշված է «Սահմանադրական դատարանի մասին» ՀՀ օրենքի 9-րդ հոդվածի 7-րդ կետում: