«Եվ՛ «Հայկական ժամանակ»-ում անանուն նյութը, և՛ դրան հետևած գրառումները մի բան են ցույց տալիս՝ դիսկուրսը պլենտուսից ցածր է ընկել». Տ. Քոչարյան. Տեսանյութ

Տեղի է ունեցավ «Ադեկվադ» միաբանության անդամ, Armnews FM տնօրեն Լիլիթ Թումանյանի, «Գիտակների հայկական ասոցիացիա»-ի նախագահ Տիգրան Քոչարյանի և հոգեբան Միհրդատ Մադաթյանի մամուլի ասուլիսը:

Բանախոսներն անդրադառձան վերջին շրջանի ձերբակալություններին, ԶԼՄ-ների նկատմամբ ոտնձգություններին, ՀՀ ներքաղաքական կյանքին։

«Ուզում եմ շնորհավորել Վլադիմիր Կարապետյանին, որ ինքը պաշտոնազուրկ եղավ, որովհետև աշխատել այդ ընտանիքի հետ, ինձ թվում է՝ գիշերային մղձավանջներից մեկն է, ընտանիքի անդամներից յուրաքանչյուրն իրեն թույլ է տալիս ինչ-որ արտահայտություններ, գրառումներ, որը պետք է նաև մեկնաբանվի, հղկվի. այդ մղձավանջից այդ մարդը ազատվեց», - ասաց նա:

Նրա խոսքով՝ Հայաստանում 2018-ի ապրիլից սկսած՝ կեղծ օրակարգ է: «Մենք այդ կեղծ օրակարգով էլ շարժվում ենք՝ կեղծ հարցեր, կեղծ հաշիվներ, ֆեյսբուքում կեղծ պատերազմներ... Արվում է ամեն ինչ, որպեսզի կարողանան խառնել իրականությունը և այդ պղտոր ջրում ինչ-որ ձկներ որսան: Իրականում շատ ավելի լուրջ խնդիրներ կան, բայց ամբողջ օրը զբաղված լինել վարչապետի աղջկա գրառումներով՝ սխալ է: Ոնց որ «Սիմսոնների ընտանիքը» սերիալը նայենք, ճիշտն ասած ամերիկյան սերիալների որակը շատ ավելի բարձր է, քան այն, ինչ-որ մեզ հրամցնում են», - ասաց նա:

Հոգեբան Միհրդատ Մադաթյանի կարծիքով, տարվա սկզբից Նիկոլ Փաշինյանն արեց անպատասխանատու հայտարարություններ, որոնք չէին համապատասխանում իրականությանը՝ կապված պատմական զոհերի քանակի և ՀՆԱ-ի հետ:

«Մեր ժողովուրդն էլ սիրում է նման ինտրիգային իրավիճակները, որ ֆոկուսը ցրվի այն ամենից, ինչը պատասխանատու ձևով ամենաբարձր ամբիոնից ասվեց: Սա էր ու որևէ այլ բան չկար այստեղ, ուղղակի իրավիճակը ցրելու վիճակ է: Մեծ փուչիկ է փչվել, որը պայթում է ու պետք է ինչ-որ կերպ այդ փուչիկը պահել ընտանեկան սերիալով»,- ասաց նա և հավելեց.

«Որքան ես հիշում եմ, Մարիամիկը ֆեյսբուքից դուրս էր եկել»:

Դիտարկմանը՝ նա վաղուց «իկ»-ից դուրս է եկել և Մարիամ է, բանախոսն ասաց. «Դեռ պետք է հասկանալ՝ նրա հայրը այդ «իկ»-ից դուրս է եկել, թե ոչ, նոր անցնենք Մարիամին»:

Մանրամասները՝ Tert.am-ի տեսանյութում