Հրայր Թովմասյանի դեմ քրեական գործը միևնույն է հարուցվելու էր. Արարատ Միրզոյան. Տեսանյութ
Քաղաքական հետապնդումների մասին խոսք լինել չի կարող, այս մասին լրագրողների հետ զրույցու Ծիծեռնակաբերդում Բաքվի զոհերի հիշատակի հարգման արարողությունից հետո ասաց ՀՀ ԱԺ նախագահ Արարատ Միրզոյանը, մեկնաբանելով լրագրողի այն դիտարկումը, որ ՀՀ ՍԴ նախագահ Հրայր Թովմասյանը հայտարարել էր, թե նա զգուշացվել է, եթե հրաժարական չտա՝ քրեական գործ է հարուցվելու:
«Հրայր Թովմասյանի կամ որևէ այլ անձի երբևէ կատարած առերևույթ կամ մեղսագրվող իրեն հանցագործությունը օրենքի խախտումը կապ չունի այս պահին կամ երբևէ նախկինում ունեցած պաշտոնի հետ այն առումով, որ որևէ զբաղեցրած պաշտոն չի ենթադրում, որ հիմա մենք որևէ գործողություններ ենք անում, այսինք քաղաքական հետապնդումների մասին խոսք լինել չի կարող», - ասաց նա:
Ըստ Արարատ Միրզոյանի, եթե անգամ Հրայր Թովմասյանը վաղաժամ հրաժարական տար ՍԴ նախագահի պաշտոնից, միևնույն է նրա դեմ ուղղված քրեական գործը հարուցվելու էր:
«Լինելու էր այն առումով... այո, լինելու էր: Իրավապահները, եթե այս նույն ճանապարհով գնային, բացահայտումներ լինելու էին: Քրեական գործը պայմանավորված չէ իր պաշտոնի հետ», - պարզաբանեց նա:
Պատասխանելով լրագրողների այն հարցին, որն է լինելու իշխանությունների հաջորդ քայլը, եթե ՀՀ Սահմանադրական դատարանի դատավորները հրաժարվեն օգտվել վաղաժամ թոշակի գնալու հնարավորությունից, Միրզոյանն ասաց. «Դե կտեսնենք էլի»:
Zham.am
Հետևեք մեզ Facebook-ում