«Դեղին մամուլի» խմբագրի ոգին անկոտրուն է

Զվարճալի հոդված զվարճալի թերթում։ Եվ այս զվարճալի հոդվածը տարածվում է, կարելի է ասել, պետական մակարդակով։ Մարդ վարչապետի պաշտոնում հայտնվեց, բայց «դեղին մամուլի» խմբագրի նրա ոգին անկոտրուն է։ Ու նորից բամբասանքներ, ասեկոսներ, իրականության խեղաթյուրում։

Աննա Հակոբյանի և Մարիամ Փաշինյանի դեմ արշա՞վ... Երևի Մինասյանն ու Վանեցյան են ստիպել Աննա Հակոբյանին, օրինակ, հայտարարել, որ Արցախում զինվորները զոհվում են հանուն ոչնչի, կամ, գուցե, Վանեցյանն է ստիպել Մարիամի ընկերուհուն, որ վերջինս նրան «թագավորի աղջիկ» անվանի ու Մարիամին դա դուր գա։ Կամ, երևի, Միքայել Մինասյանն է ստիպել Աննա Հակոբյանին հագնել այն բաց կարմիր զգեստը և ոտքը ոտքին նստել հոգևորականների կողքը։ Հա, չէէէէէ, հասկացա...Վանեցյանն է, երևի թե, ուղարկել Հակոբյանին Մեհրիբան Ալիևայի ֆան-փեյջն ու ստիպել վարչապետի տիկինոջն Ադրբեջանի փոխնախագահին հրավիրել Արցախ մուղամ լսելու։