Իրանը խոստովանել է, որ պատահաբար խոցել է ուկրաինական ինքնաթիռը. ԱԳ նախարարը ներողություն է խնդրել

Թեհրանի մոտակայքում կործանված ուկրաինական ինքնաթիռը պատահաբար խոցվել է «մարդկային սխալի հետեւանքով»։ Ինչպես հաղորդում է РИА Новости-ն, այս մասին ասվում է Իրանի զինված ուժերի գլխավոր շտաբի հայտարարության մեջ։

«Դա տեղի է ունեցել բարձրացված ռազմական պատրաստվածության պայմաններում, որը կապված էր Իրաքում ամերիկյան բազաների հրթիռակոծությանը ԱՄՆ-ի հնարավոր պատասխանի հետ», - ասվում է հայտարարության մեջ։

Նշվում է նաև, որ ինքնաթիռը խոցվել է, քանի որ թռել է կարեւոր ռազմական օբյեկտի մոտով։

Իր հերթին Իրանի նախագահը հայտարարել է, որ ուկրաինական ինքնաթիռը կործանվել է պահակազորի հրթիռակոծնան պատճառով, և Իրանը պատասխանատու է այդ դեպքի համար։

Իրանի ԱԳ նախարարն էլ ներողություն է խնդրել ու ցավակցություններ հայտնել ավիավթարի արդյունքում զոհվածների հարազատներին Twitter-ի իր էջում, նշելով, որ «մարդկային սխալը ճգնաժամի ընթացքում, որը հրահրվել էր ԱՄՆ-ի արկածախնդրության արդյունքում»։ 

Zham.am