Ինչպիսին մեր դիլետանտության էտալոն կամ փորձանմուշ կառավարությունն է, այնպիսին էլ նրա սորոսական կամ այլ փաթեթավորման պաշտպաններն ու կողմնակիցներն են

Ինչպիսին մեր դիլետանտության էտալոն կամ փորձանմուշ կառավարությունն է, այնպիսին էլ նրա սորոսական կամ այլ փաթեթավորման պաշտպաններն ու կողմնակիցներն են:

Անկախ նրանից՝ իրավացի են, թե ոչ, հասկանում են թե ոչ, անպայման քիթները խոթում են ու փորձում փաստաբանի, պաշտպանի դեր ստանձնել ու վնգստալ...

Նիկոլ Փաշինյանի թեթև ձեռամբ ՀՀ հանրային խորհրդի անդամ կարգված և բազմիցս պետբյուջեից դրամաշնորհներ ստացած Դանիել Իոաննիսյանը փակվող ծերանոցները, գիշերօթիկները, բուժհիմնարկները, անհասկանալի ու չհիմնավորված դրամական պարգևները, գործուղումների վրա ծախսվող ահռելի գումարները, կառավարական մասնաշենքի վերանորոգման, հսկայական գումարներ արժեցող ավտոմեքենաները, ինքնաթիռը, հսկայաքանակ ծառայողական մեքենաները, նրանց վրա ծախսվող պահեստամասերը, քսանյութերը, վառելիքը, հանրության երկփեղկվածությունն ու ահագնացող թշնամանքը, աշխարհաքաղաքական լրջագույն մարտահրավերներն ու պետության անվտանգության հետ կապված հսկայական խնդիրները մոռացած, իր ուժն ու սորոսական հոգին, եռանդն ու էնտուզիազմը ծախսում է նախկին պաշտոնյաի ավտոմեքենայի օրինական հատկացված բենզինի հաշվարկը կատարելով ու նաև մեկ այլ նախկին բարձրաստիճան պաշտոնյաին անմեղության կանխավարկածը խախտելով մեղադրանք ներկայացնելով:

Միայն թե Նիկոլ Փաշինյանն ու Սորոսի Լարիսան տեսնեն իր նվիրումն ու շարունակեն դրամաշնորհներ պարգևել... Ընդ որում պաշտպանում է ապաշնորհ ու անհիմն, առանց տարրական վերլուծության ու իր բարցրացրած խնդիրը հասկանալու...

Նույն կերպ գուցե նկատեիր ՍԴ դատավոր կարգված և պարտականությունները չկատարող Վահե Գրիգորյանի աշխատավարձը, վառելիքն ու ծառայական բարիքներից անօրինական օգտվելու փա՞ստը... Բայց չէ՛, կարևոր գործը զուգարանակոնքերն են ու նախկին պետական պաշտոնյաների տակը քչփորելը...

Ի վերջո, սրանք պետք է հասկանա՞ն, թե ինչ են աշխատում, ինչ խնդիրներ ունեն, ինչ պարտականություններ և կարևորը, առաջնայինը կարողանան վերջապես տարբերել երկրորդականից, երրորդականից...

Չէ՛, Դանիել քեզանից բենզին լիցքավորող էլ չի ստացվի... Հասարակ հաշվարկ էլ չես կարողանում կատարել, սակայն դու մեղք չունես, Նիկոլ Փաշինյանն ու Սորոսի Լարիսան են մեղավոր...

Իսկ քեզ մոտ փայտե արձանիկներով խաղալն ավելի լավ է ստացվում՝ բռնի ու բաց չթողնես... Ամուր բռնի այդ գործիքը...

Պոպուլիզմով երկար զբաղվելու դեպքում այն դառնում է պուպուլիզմ...

Ռոբերտ Մելքոնյանի ֆեյսբուքյան էջից