Իրանի նկատմամբ ԱՄՆ նոր պատժամիջոցների հետևանքով Հայաստանը կարող է լուրջ վնասներ կրել. Սուրեն Սարգսյան. Տեսանյութ

Վերջին անգամ ԱՄՆ-ի ռազմական բազաներին հարված էր հասցրել Ճապոնիան, որից հետո ԱՄՆ-ը ներքաշվել էր Երկրորդ համաշխարհային պատերազմի մեջ։ Դրանից հետո, ԱՄՆ-ի ռազմաբազաներին որևէ երկիր չէր հարվածել, մինչև Իրանի հասցրած հարվածները։

«Պետք է այստեղ նշել, որ եթե Իրանի դեպքում մարդկային զոհ էր եղել, ապա ԱՄՆ-ի դեպքում՝ հեղինակությանն է հարված հասցվել, քանի որ որևէ պետությունը մինչ օրս ԱՄՆ-ին ռազմական բազաներին անպատասխան հարված չի հասցրել»,-ասաց Սարգսյանը։

Նա նշեց, որ իրականում ԱՄՆ-ի համար սպասելի էր այս հարձակումը, քանի որ Իրաքում գտնվող բազաներն ամենամոտն էին Իրանին, ինչ վերաբերում է իրանական աղբյուրների տեղեկատվությանը, թե ամերիկյան կողմը հարձակման հետևանքով 80 զոհ է ունեցել՝ Սարգսյանն ասաց, որ իրականում 80 դիակ թաքցնելը հեշտ գործ չէ և, եթե նման բան իրականում եղել է՝ ապա շատ շուտով դրա մասին հայտնի կդառնա։

Քաղաքագետն ընդգծեց, որ Իրանի նկատմամբ կիրառած տնտեսական սանկցիաներն ամենկոշտն են, որ երբևէ ԱՄՆ-ը կիրառել է։

«Այդուհանդերձ, չեմ կարծում, որ սրանք վերջնական են, կարծում եմ դեռ լիքը տեղ կա։ Չի բացառվում, որ պատժամիջոցներ լինեն նաև էներգետիկ և հատկապես գազային, համակարգի դեմ։ Հայաստանի և Իրանի առևտրաշրջանառությունը մոտ 300 մլն դոլարի կարգի է, որի շուրջ 80 տոկոսը էներգետիկ առևտրաշրջանառությունն է։ Հայաստանն այստեղ լուրջ վնասներ կարող է կրել։ Հիմա մենք պետք է ամեն ինչ անենք, որ այս երկրորդային հարվածը մեզ չհասնի, որովհետև մենք շատ ծանր վիճակում կհայտնվենք»,-ասաց Սարգսյանը։

Մանրամասները՝ տեսանյութում