Ո՞նց եմ սիրում ժողովրդավարական հեղափոխություններ. Մարգարիտա Սիմոնյանը ԱԱԾ կողմից «Դիանա Հարությունյան»-ին բերման ենթարկելու մասին

RT գլխավոր խմբագիր Մարգարիտա Սիմոնյանն անդրադարձել է օրերս ՀՀ ԱԱԾ կողմից «Դիանա Հարությունյան» ֆեյսբուքյան կեղծ էջի օգտատիրոջ ձերբակալությանը:

«Հայաստանում ազգային անվտանգության ուժերը երկու օր զբաղված էին վտանգավոր բլոգերի որոնմամբ: Բլոգերը ՖԲ-ում գրել է, իբր Փաշինյանը շնորհավորել է Թրամփին Սոլեյմանիի սպանության կապակցությամբ:

Բլոգերին գտել են, տեսանյութ ձայնագրել, որտեղ նա փոփոխված ձայնով խոստովանել է, որ թշնամի է:

Նրան մեղադրանք է առաջադրվել երկու հոդվածով, այդ թվում ԶԼՄ-ի օգտագործմամբ ազգային, ռասայական և կրոնական թշնամանք հարուցելու մեղադրանքով:

Ո՞նց եմ ես սիրում ժողովրդավարական հեղափոխություններ»», - գրել է նա Telegram-ում:

Հիշեցնենք՝ ՀՀ ազգային անվտանգության ծառայության իրականացրած օպերատիվ-հետախուզական միջոցառումների արդյունքում պարզվել է «Դիանա Հարությունյան» ֆեյսբուքյան կեղծ էջը վարողի ինքնությունը։ Վերջինս բերման է ենթարկվել և պարզաբանում ներկայացրել՝ իր կատարած գործողությունների վերաբերյալ։

Ս.թ. հունվարի 3-ին, «Դիանա Հարությունյան» ֆեյսբուքյան էջում տեղեկատվություն էր  հրապարակվել, որ իբր ՀՀ վարչապետ Նիկոլ Փաշինյանը շնորհավորել է ԱՄՆ նախագահին՝ Իրանի բարձրաստիճան զինվորականի նկատմամբ կատարված գործողության կապակցությամբ։ 

Zham.am