Կենացի մասին

Կենացն ասելիքի կաղապարված և կանխատեսելի միջոց է։ Այն ստանդարտ կառուցվածք ունի և բոլորին հայտնի վերջաբան։

Կենացի միջոցով ամբողջ ճշմարտությունը չես ասի, վատը լավ կներկայացնես, գեշը՝ սիրուն, փոքրը՝ մեծ, թույլը՝ ուժեղ, չունեցած տաղանդները՝ ունեցած։

Կենացի մեջ «ֆալշ» նոտաներ կան։

Կենացի մեջ մի քիչ անկեղծություն կա, մի քիչ՝ կեղծավորություն, մի քիչ՝ ձևականություն, մի քիչ՝ քծնանք, մի քիչ՝ պարտավորվածություն, մի քիչ՝ պաթոս, մի քիչ՝ սրտաճմլիկություն, մի քիչ՝ հեգնանք, մի քիչ՝ հումոր, մի քիչ՝ չափազանցություն, մի քիչ՝ խմածություն, մի քիչ ... Թեև առանց դրա էլ չի լինի։

Կենացը մեր կյանքի անբաժանելի մասն է։ Դե ուրեմն, եկեք խմենք, որ ... )))

Անդրանիկ Թևանյանի ֆեյսբուքյան էջից