Ստերի նոր սեզոնը բացվեց. Փաշինյանի ամանորյա թվային «բրդուչները»

Փաշինյանը թատերականացված և թանկարժեք տեսարանների ապահովման շրջանակներում հայտարարեց, որ մեր երկիր հարյուր միլիոնավոր դոլարներ է մտել։ Ենթադրվում է, որ նկատի է ունեցել օտարերկյա ներդրումները, այլ ոչ թե ձեռք բերած վարկերը կամ դրսից ուղարկած մասնավոր փոխանցումները (խոպանչիներինը)։

Այսպես, 2019–ի առաջին 9 ամսիների ընթացքում օտարերկյա ծագում ունեցող ուղղակի ներդրումների զուտ հոսքերը կազմել են շուրջ 68 մլն դոլար։ Սա պաշտոնական վիճակագրություն է։ Տարեկան տվյալները դեռ չկան։ Այսինքն՝ հարյուր միլիոնավոր դոլարների մասին խոսք չի կարող լինել։ Հնչեցրած թիվը սուտ է։

Ասում էր նաև, որ 2018–ի մայիսից ի հայտ է եկել 80 հազարից ավելի նոր աշխատատեղ։ Կրկին սուտ է, քանզի «1.000 դրամների» հիմնադրամների թվերն այլ են՝ շատ ավելի ցածր են։ Եթե «ի հայտ են եկել աշխատատեղեր», բայց 1.000 դրամները չեն փոխանցվել հիմնադրամին, ուրեմն Նոր տարվա գիշերը վարչապետի կողմից հնչել է հայտարարություն չարաշահումների և մսխումների մասին։ Դատախազությունը տոնական օրերին պետք է գործի անցնի։

Էլի թվային հայտարարություններ կային անցած տարվա ցուցանիշների պահով, ուղղակի այս պահին ականջիս այդ երկու թվերը լսվեցին տոնական սեղանի շուրջ և որոշեցի արագ արձագանքել։

Տոնական տրամադրություն բոլորիս և ստերից զերծ տարի եմ մաղթում։

Անդրանիկ Թևանյանի ֆեյսբուքյան էջից