Գործազուրկ դարձած բուժաշխատողների չվճարված արձակուրդայինները և իշխանական վերնախավի պարգևատրումները

Վերջերս հակիրճ ներկայացրել էի «Գյումրու ինֆեկցիոն-հակատուբերկուլյոզային հիվանդանոց» ՓԲԸ-ի հակատուբերկուլյոզային բաժանմուքի լուծարման պատճառով 15 բուժաշխատողների գործազուրկ դառնալու փաստը, սակայն ամեն ինչ չսահմանափակվեց միայն դրանով, վերոնշյալ հաստատության աշխատակիցներից մեկի հետ զրույցի ընթացքում , ով կորցրել է աշխատանքը բաժանմունքը փակվելու պատճառոով, պարզ դարձավ, որ հիվանդանոցը հրաժարվում է վճարել նախորդ տարվանից կուտակված արձակուրդայինի գումարները՝ պատճառաբանելով, որ բյուջեում չկա համապատասխան գումար։ Ամանորի նախաշեմին գործազուրկ դարձած աշխատակիցներին առաջարկվել է կազմել ժամանակացույց և օրենքով նախատեսված գումարները ստանալ մաս-մաս՝ ամիսների ընթացքում: Ըստ շրջանառվող տեղեկությունների, խոսքը մոտ 3-4 միլիոն ՀՀ դրամի մասին է:

Հարց է առաջանում, թե որքանո՞վ է արդարացի նման վերաբերմունքը աշխատանքը կորցրած անձանց նկատմամբ, երբ կայքերում հրապարակված տվյալների համաձայն ՀՀ առողջապահության նախարար Արսեն Թորոսյանը միայն 2019 թվականի տասը ամիսների ընթացում ստացել է մոտ 15 միլիոն ՀՀ դրամ պարգևավճար:
Չանդրադառնալով ՀՀ Կառավարության մյուս անդամների և ՀՀ Ազգային ժողովի պատգամավորների ստացած հսկայական պարգևավճարներին, կարելի է փաստել, որ իշխանական վերնախավին պարգևատրելու փող կա, իսկ ՀՀ հպարտ քաղաքացիներին օրենքով սահմանված արձակուրդայինները վճարելու փող չկա:
Հ. գ. Ու՞ր է կորել «Նոր Հայաստանում» ավելի լավ ապրելու ցանկություն ունեցող, բայց արդեն գործազուրկ դարձած բուժաշխատողների հույսը։

Նարեկ Միրզոյանի ֆեյսբուքյան էջից