«Բուդը արեք, ես հո չեմ ասում՝ մի արեք». վարչապետը՝ Կոթիի բնակիչներին
Բուդն էնքան արեք, որ սպառվի, հետո չտանեք՝ թափեք։ Այս մասին այսօր՝ դեկտեմբերի 30-ին, Տավուշի մարզի Կոթի համայնքի բնակիչների հետ հանդիպման ժամանակ ասաց ՀՀ վարչապետ Նիկոլ Փաշինյանը, երբ բնակիչներից մեկն ասաց, թե էլ խոզի բուդ Ամանորի սեղանին չի դնելու։
Վարչապետն էլ ասաց, թե ինքը չի ասել, որ բուդ չդնեն սեղանին.
«Բուդը արեք, ես հո չեմ ասում՝ մի արեք։ Ասում եմ՝ էնքան անենք, որ սպառվի, հետո չտանենք թափենք։ Ցանկացած ուտելիք ունի իր ժամկետը, սխալ ենք անում, ամսի 31-ին եփում ենք, մի ամիս ուտում ենք, հետո էլ ասում ենք՝ Կոթիում բժիշկ կա՞»։