Ինչո՞ւ են Նիկոլ Փաշինյանն ու Ջորջ Սորոսը ուզում կազմաքանդել Հայաստանի պետական համակարգը
Երբ շատերն նշում են, որ Հայաստանում հաստատվել է Փաշինյանի միանձնյա իշխանությունը փոքր- ինչ սխալվում են: Փաշինյանն իհարկե հրաժարվեց ԲՀԿ-ի հետ կազմել կոալիցիոն իշխանություն: Նա առհամարեց նույնիսկ «լուսավոր» Էդմոնին` համարելով, որ նրանց տակը իրականում բան չկա:
Փաշինյանը թշնամի է հռչակել ՀՀԿ-ին, ՀՅԴ-ին, քոչարյականներին և Միքայել Մինասյանի թմին, և շատերին դրա համար թվում է ՝ նրա իշխանությունը կոալիցիոն բնույթ չունի:
Սակայն դա արտաքուրստ այդպես է միայն: Իրականում Փաշինյանը կոալիցիա է կազմել աշխարահռչակ օլիգարխ Ջորջ Սորոսի հետ: Սորոսը այսօր Հայաստանի ԱԺ-ում ունի ավելի քան 20 պատգամավոր, մի քանի նախարարներ և հայտ է ներկայացնում նույնիսկ «մարդ» ունենալ երկրի ուժային կառույցներում: Հենց դրա համար է, որ սորոսականները պարբերաբար հարձակվում են ԱԱԾ-ի վրա:
Եվ ահա այս վերջին հարձակումը երկրի ՍԴ-ի վրա նույնպես իրենց ծրագրերից է: Սորոսական արդարադատության նախարար Ռուստամ Բադասյանը փորձում է ավելի «ինստիտուցիոնալ» մոտեցում որդեգրել, քանզի հասկանում է, որ Փաշինյանի գավառական պատկերացումները կարող են վտանգել իրենց համատեղ կոալիցիոն իշխանությանը: Բանն այն է, որ Փաշինյանը ոչինչ չի հասկանում իրավական պետություն հասկացությունից: Նրա կարծիքով դա ձևական հասկացություն է, և իրականում երկրի դատաիրավական համակարգը ամբողջովին պիտի ենթարկվի իրեն:
«Բա ինչո՞ւ Քոչարյանին ու Սերժ Սարգսյանին կարելի էր, իսկ ինձ՝ ոչ», - մտածում է Փաշինյանը և չի հասկանում, թե ինչու պիտի Հրայր Թովմասյանի հետ «մեղմ» հարաբերվել: Ժամանակին նաև հենց այդ պատճառով Վանեցյանը հրաժարական տվեց, որպեսզի Փաշինյանի գավառական բնույթի քայլերի համար հետագայում պատասխան չտա: Փաշինյանի կարծիքով, եթե Թովմասյանի վրա բիրտ ուժ կիրառել, ապա դրսից ոչ մի էական արձագանք չի լինի: Սակայն այդպես չեն մտածում Փաշինյանի իշխանության կոալիցիոն սորոսական գործընկերները: Նրանք ի տարբերություն Փաշինյանի ավելի գրագետ են, գավառական մտածողությունը նրանց մոտ ավելի քիչ է, որովհետև նրանց կառավարում են դրսից: Իսկ այնտեղ հասկանում են, որ «կարմիր գծերը» չի կարելի անցնել: Եվ այդ իմաստով առաջարկում են Փաշինյանին պետական համակարգի կազմաքանդման ավելի «ցիվիլ» տարբերակներ:
Թե որն է սորոսականների նպատակը, մենք կխոսենք մեր հաջորդ հոդվածներում, իսկ ինչ վերաբերվում է Փաշինյանին, ապա նա խորը գավառացի է, պետական կառավարման համակարգից ոչինչ չի հասկանում և միաժամանակ վախենում է այդ համակարգից: Քանզի այդ համակարգը արդեն հասկացել է, որ Փաշինյանը իր տեսակով օտար մարմին է իրենց համար: Դրա համար էլ վերջերս Փաշինյանը հայտարարեց, որ «իր հեղափոխական նպատակներին խոչընդոտում է ողջ պետական համակարգը»: Այդ իսկ պատճառով էլ սկսվել է Փաշինյանի և այս համակարգի միջև խուլ հակադրություն, որը կարող է ավարտվել մի շարք պետական համակարգերի փլուզմամբ: Դրանից բխող պետության համար լրջագույն վտանգներով:
Սա է իրականությունը:
Արտակ Հակոբյան
Հետևեք մեզ Facebook-ում