Ինչպես են «ասֆալտին փռում» տաքսու տարեց վարորդին ծեծած «Բրաբուսի» վարորդին. Տեսանյութ

Ինչպես արդեն հայտնել ենք, Երևանի Պռոշյան փողոցում վթարից հետո Mercedes-ի վարորդը ծեծի է ենթարկել տաքսու տարեց վարորդին։ Համացանցում տարածվել է տեսանյութը, թե ինչպես են մյուս անցորդները պաշտպանում տարեց տղամարդուն:

Ֆոտոլրագրող Գ. Շամշյանի տեղեկություններով՝ Արաբկիրի ոստիկանները Mercedes-ի վարորդին հայտնաբերել ու ոստիկանություն են բերման ենթարկել քաղաքակիրթ ձևով, մինչդեռ շատ օգտատերեր ինչպես նաև քաղաքացիներ, պահանջում էին, որպեսզի այդ մարդ կոչված արարածին բերման ենթարկեին նույն եղանակով, ինչպես որ նա վարվել էր տարեց տղամարդու հետ:

Ֆոտոլրագրողի տեղեկություններով՝ «յաշիկի» համարանիշներն էին՝ 010 DO 10 և այն հաշվառված է Կոտայքի մարզի Վերին Պտղնի գյուղում գրանցված «Էդեմ –Հաուս» ՍՊԸ-ի հաշվեկշռում: 

Փաստի առթիվ ոստիկանության Արաբկիրի բաժնի հետաքննչական բաժանմունքում ՀՀ քր. օր.-ի 258 հոդվածի 2-րդ մասի հատկանիշներով հարուցվել է քրեական գործ:

Մանրամասները կարդացեք Shamshyan.com կայքում: