Լուկաշենկոն Ռուսաստանին հրավիրում է միանալ Բելառուսին

Բելառուսի նախագահ Ալեքսանդր Լուկաշենկոն Ռուսաստանին կատակով հրավիրել է միանալու Բելառուսին՝ ասելով, որ ռուսներն ու բելառուսական ընդդիմությունը դեմ չեն լինի պետությունների նման միությանը, հայտնում է РИА Новости-ն:

«Մեկ պետություն դառնալու շատ պարզ տարբերակ կա, որը կընդունվի ինչպես Ռուսաստանում, այնպես էլ Բելառուսում. դուք (Ռուսաստան) մտնում եք Բելառուսի կազմ: Իսկ ի՞նչ, ռուսները դեմ կլինե՞ն: Ո՛չ: Բելառուսները, ովքեր այդքան վրդովված են (բելառուսական ընդդիմությունը), նույնպես լսեք. Ռուսաստանը մտնում է Բելառուսի կազմ»,- ծիծաղելով ասել է Լուկաշենկոն Эхо Москвы ռադիոկայանի եթերում:

«Եվ դուք մեզ հրավիրում եք Ռուսաստանի կազմ, ինչո՞ւ չեք քննարկում այդ տարբերակը»,- շարունակել է խոսքը Բելառուսի նախագահը:

Zham.am