Հայաստանում մեդիայի նկատմամբ ճնշումները տարվա կտրվածքով գերազանցում են 90-ականներին առկա վիճակագրությանը. Նարեկ Սամսոնյան
«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան իր էջում գրառում է կատարել՝ անդրադառնալով այսօր «Կենտրոն» ՀԸ-ի լրագրողին ու օպերատորին բռնության ենթարկելու դեպքին և նշելով, որ Հայաստանում Ոստիկանություն գոյություն չունի.
«Մարդիկ առանց խոչընդոտի մտնում են մասնավոր տարածք, ծեծում աշխատակիցներին, ծեծում ԶԼՄ ներկայացուցչին, խոչընդոտում նկարահանումներին ու դեռ որևէ լուր ու տեղեկություն չկա «Ոստիկանությունից» (չակերտները բառի բուն իմաստով են), Հայաստանում մեդիայի նկատմամբ տարվա կտրվածքով ճնշումները գերազանցում են 90-ականներին առկա վիճակագրությանը»,- գրել է Սամսոնյանը:
Գրառման մեջ նա նաև անդրադարձել է իշխանությունների գործունեությանը՝ նշելով, որ այս ամիսները, տարիները Հայաստանի պատմության մեջ գրվելու են ամենաբացասկան համատեքստով ու սրանից դուրս գալը շատերիս համար անգամ կյանք է արժենալու.
«Նիկոլ Փաշինյանի կառավարությունը, որպես այս մթնոլորտի հիմնական երաշխավոր և պատասխանատու արժանանալու է սերունդների անեծքին և դաժան հաշվեհարդարի է ենթարկվելու հենց նույն «հպարտ քաղաքացիների» կողմից (էլի մենք չենք թողնելու, որ արյունլվիկ անեն իրանց)»,- գրել է նա և հավելել. «Էս ատելությունը ձեր մտերիմների, հարազատների և ընտանիքների գլխին է պայթելու, եթե անգամ մեզ բոլորիս ֆիզիկապես վերացնեք միևնույն է ձեր գլուխները սրա համար թռնելու են ուզեք թե ոչ դա լինելու է»:
Հետևեք մեզ Facebook-ում