Հոլանդիայի վարչապետը հրաժարվել է ներողություն խնդրել Թուրքիայից

Հոլանդիայի վարչապետ Մարկ Ռյութեն հրաժարվել է կառավարության անունից ներողություն խնդրել՝ երկիր ինքնաթիռի մուտք չտալու համար, որում գտնվում էր Թուրքիայի ԱԳ ղեկավար Մևլութ Չավուշօղլուն: Այս մասին հաղորդում է Ֆրանս-պրեսս գործակալությունը:

«Ներողության մասին խոսք անգամ լինել չի կարող, նրանք պետք է ներողություն խնդրեն այն բանի համար, թե ինչ արեցին երեկ», - հայտարարեց Ռյութեն:

Ինչ վերաբերվում է Ընտանեկան հարցերի ու սոցիալական ապահովության նախարար Ֆաթմա Բեթյուլ Քայա Սայանին, Ռյութեն հստակեցրեց, որ Հոլանդիայի կառավարությունը «ցանկանում է, որ նա հեռու մնա»: «Դա հանգեցրեց քաոսի և այն պատկերի, որը մենք տեսանք երեկ Ռոտերդամի կենտրոնում», - ասաց նա: 

Հիշեցնենք՝ թուրք նախարարները Հոլանդիայում նպատակ ունեին իրենց հայրենակիցներին տեղեկացնել սահմանադրական փոփոխությունների մասին, որոնք կդրվեն հանրաքվեի ապրիլի 16-ին:

Zham.am