Մեքենայում էին բանակում ծառայած վեց 20-22 տարեկան երիտասարդ

Գորիսից հաղորդում են․

Շրջակայքում էի, երբ լսեցի գիշերվա դեպքի մասին, անմիջապես մտա տանտիրոջ տուն….տատին, հարազատներին աչքալուսանք տվի, շնորհավորեցի….

Մարդիկ անցուդարձ էին անում…. միայն տխուր առի՞թ էր պետք, որ ներս մտնեինք….. ուրախության, աչքալուսանքի մարաթոն էր…..
Ոչ մեկին չէի ճանաչում, ի՞նչ պարտադիր էր….. տարեմուտին՝ Աստծո բարեհաճ ընծա էր….
Վեց ջահելներով՝ բոլորն էլ քսան, քսաներկու տարեկան, բանակում ծառայած, վերադարձած, սեփական ավտոյով դուրս են եկել մայրուղուց և 30-40 մետր՝ քաղաքի գլխից՝ «Զանգերից» գլորվել անդունդ…..
Գորիսը ցնցված է, մարդիկ խոսում էին՝ մի կատու էլ չէր կարող այդտեղից անվնաս դուրս պրծնել…..
Վեցն էլ՝ անվնաս, ողջ-առողջ, միայն վարորդի՝ Տիգրանի այտն էր թեթևակի քերծվել….
Աստված հազար ձեռքով պահել է….չի հարամել քաղաքի Ամանորը…
Իրոք, շնորհավոր բոլորիս....և՝ շնորհակալություն՝ Տիրոջը....

Սլայդում՝ լրացուցիչ նկարներ

Սուսաննա Բաբաջանյան

Այսօր՝ դեկտեմբերի 22-ին, խոշոր ավտովթար է տեղի ունեցել Սյունիքի մարզում։ Ժամը 04։10-ի սահմաններում Գորիսի բնակիչ՝ 20-ամյա Տիգրան Տիգրանյանը իր վարած Volkswagen Vento մակնիշի 32 ԼՍ 646 համարանիշի ավտոմեքենայով Երևան-Գորիս ավտոճանապարհի 233 կմ հատվածում ձախ շրջադարձ կատարելու ժամանակ կորցրել է ավտոմեքենայի կառավարումը, դուրս եկել ճանապարհի երթևեկելի գոտուց, բախվել երկաթե արգելապատնեշներին և մոտ 100 մետր մի քանի պտույտ շրջվելով՝ գլխիվայր հայտնվել ձորում։

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Տ. Տիգրանյանն ու նրա ուղևորներ՝ Գորիսի բնակիչներ, 23-ամյա Էդիկ Մաշուրյանը և 21-ամյա Հարութ Յոլյանը մարմնական վնասվածքներով տեղափոխվել են «Գորիս» բժշկական կենտրոն։