ՀՖՖ նախագահ ընտրվեց Արմեն Մելիքբեկյանը. Տեսանյութ

ՀՖՖ անդամների արտահերթ ժողովի պատվիրակների կողմից Հայաստանի ֆուտբոլի ֆեդերացիայի նախագահ ընտրվեց Արմեն Մելիքբեկյանը:

ՀՖՖ նախագահի թեկնածուներից Արմեն Մելիքբեկյանի օգտին քվեարկել էր 13 պատվիրակ, Թովմաս Գրիգորյանի օգտին՝ 7: Անվավեր է ճանաչվել 3 քվեաթերթիկ:

ՀՖՖ ժողովի 25 պատվիրակներից ընտրությանը մասնակցեցին 23-ը: Մեկ պատվիրակ ներկա չէր ժողովին, մեկ պատվիրակ էլ չուներ համապատասխան անձը հաստատող փաստաթուղթ:

ՀՖՖ նախագահի ընտրությանը հաջորդելու է ՀՖՖ գործկոմի 16 անդամների ընտրությունը, որի կազմից էլ ՀՖՖ նախագահի առաջարկությամբ ընտրվելու է ֆեդերացիայի փոխնախագահ:

Հիշեցնենք, որ նոյեմբերի 21-ին ՀՖՖ նախագահ Արթուր Վանեցյանը և ՀՖՖ գործկոմի անդամները հրաժարական էին տվել։

Նշենք, որ ՀՖՖ նոր նախագահի պաշտոնում առաջադրվել էին 3 թեկնածու՝ Թովմաս Գրիգորյանը, Արմեն Մելիքբեկյանը և Խորեն Հովհաննիսյանը։ Վերջինս, սակայն, օրերս հայտ էր ներկայացրել՝ չեղարկելու իր թեկնածությունը։

Zham.am