Բաց նամակ՝ տեղեկատվության ստանալու մասին հարցում

ՀՀ վարչապետ, պարոն Նիկոլ Փաշինյանին,
ՀՀ արտակարգ իրավիճակների նախարար,
պարոն Ֆելիքս Ցոլակյանին,
«Երևանի այլընտրանքային
քաղաքապետարան»
նախաձեռնության ղեկավար Սոնա
Աղեկյանից
Հեռ. 043220487,
Հասցե` Ս. Վրացյան 71

Բաց նամակ՝ տեղեկատվության ստանալու մասին հարցում

Համաձայն տեղեկատվության և ազատության մասին ՀՀ օրենքի 6-րդ հոդվածի 1-ին կետի՝ պահանջում եմ հնարավորինս սեղմ ժամկետում տեղեկացնել, թե արդյոք կատարվե՞լ են անհրաժեշտ ստուգումներ, փորձարկումներ մեր մայրաքաղաքի Հանրապետության Հրապարակի ամանորյա տոնածառի հարակից տարածքում կառուցված մետաղական կոնստրուկցիոն վերգետնյա անցման անվտանգության նկատառումներով:

Անհանգստությունս հիմնավորեմ. քանի որ այսօր, ապա նաև մոտակա օրերին Հանրապետության հրապարակը ակնկալվում է, որ բազմամարդ է լինելու, մետաղական կոնստրուկցիայի և' վրա, և' տակ` ներքևում կլինեն ՀՀ հպարտ քաղաքացիներ, ապա պատասխանեք խնդրեմ, ո՞վ է ստանձնել մեր քաղաքացիների անվտանգության պատասխանատվությունը, ո՞վ է հանդիսանում նշված մետաղական կոնստրուկցիայի շահագործման պատասխանատուն:

Տեղեկացրեք նաև, թե ի՞նչ ընթացակարգով է կատարվել վերգետնյա անցման մետաղական կոնստրուկցիայի համար նախատեսված մրցույթը: Օդում կախված լուրերի համաձայն՝ այս վերգետնյա անցման համար ծախսվել է 44 միլիոն ՀՀ դրամ: Այս տեղեկությունը համապատասխանո՞ւմ է արդոք իրականությանը, եթե` ոչ, ապա ինչքա՞ն է ծախսվել մեր պետական միջոցներից և ի՞նչ չափորոշիչներ են կիրառվել մրցույթի ժամանակ ընտրություն կատարելիս:

Տեղեկացրեք նաև, թե անվտանգության տեսանկյունից ի՞նչ միջոցառումներ են կատարվել և ո՞վ է ստանձնել շահագործման ընթացքում անվտանգության պատասխանատվությունը:

Ակնկալում եմ պատասխանն ստանալ հնարավորինս սեղմ ժամկետում և, խնդրում եմ, գրությունս չվերահասցեավորել Երևանի քաղաքապետարան, քանի որ այնտեղից պատասխան չի տրվում:

Դիմող` Ս. Աղեկյան
21.12.2019 թվական