Նա ասաց, որ շատ կասկածելի է այս ամենը, նաև ոստիկանության տեսանյութը: «Շատ կասկածելի է էդ ամեն ինչը. ես էստեղ 2 տարբերակ եմ տեսնում՝ մարդը, որը հայտնվել է մի քանի ամիս առաջ որպես աջակից, ուզում են պայքարել, մի տարբերակն այն է, որ հատուկ նպատակով այդ մարդուն ուղարկել են, ձայնագրել են այդ ամեն ինչը։ Երկրորդը՝ որ այդ մարդու հայտնվելը պայմանավորված էր», - նշեց Լևոն Քոչարյանը:
Ըստ նրա՝ հարցի մյուս կողմն այն է, թե ինչո՞ւ է այդ բացահայտումն արվել հենց երեկ: Սա, ըստ նրա, դատավորի վրա ազդելու նպատակ է ունեցել, քանի որ այսօր որոշում հրապարակած դատավորը խորհրդակցական սենյակ էր գնացել: «Շատ ցածր ու ճղճիմ քայլ էր այս ամենը նման օրով անելը: Իշխանություններն ամեն գնով փորձում են հորս պահել կալանքի տակ»,- հավելեց նա:
Անդրադառնալով մշակույթի ոլորտի ներկայացուցիչների հետ հանդիպման՝ համացանցում տարածված տեսանյութին, Լ. Քոչարյանը նշեց, որ այդ հանդիպումը 2 ամիս առաջ է տեղի ունեցել, և ինքն էլ չի հիշում, թե ինչի մասին են զրուցել:
Ինչ վերաբերում է այն ստորագրություններին, որոնցով մշակույթի գործիչները ՀՀ նախկին նախագահի խափանման միջոցը փոխելուն հավանություն են տվել, ապա Լ. Քոչարյանն ասաց, որ ոչ մի ստորագրություն առանց դրանց տերերի համաձայնության չի եղել:
«Ստորագրություն որպես այդպիսին, ֆիզիկապես չի եղել, որքան ես հասկացա, այսօր ոչ մեկ փաստացի չի ստորագրում, գրում է, որ համաձայն է»,- ասաց Լ.Քոչարյանը:
Մանրամասները՝ տեսանյութում:
Zham.am