Ինչո՞ւ իշխանությունը հենց այս պահին կազմակերպեց այս «մարտի 1-ի տեսագրման» սպեցօպերացիան

Բանն այն է, որ իշխանություններն ամբողջ այս 30 տարվա ժամանակահատվածում  օգտագործել են իրենց գործակալների ներդրման մեթոդները ընդդիմության շարքերում՝  «ճիշտ ժամանակին»  ընդդիմությանը վարկաբեկելու համար:

Ակնհայտ է, որ իշխանությունն իր զինանոցում կարող է ունենալ նաև այլ նմանատիպ «տեսագրություններ», սակայն  դրանք միշտ չէ որ նա կուզենա օգտագործել: Քանզի մեկ անգամյա օգտագործման գործակալները թանկ կարող են նստել իշխանության վրա: Սովորաբար  այդ գործակալներին իշխանությունն փորձում է մաքսիմալ երկար օգտագործել, որպեսզի նրա վրա այս սպեցօպերացիաները այսպես ասաց «էժան  արժենան»: Այս «տեսագրությունից»  էլ երևում է, որ դա դեռ վաղուց էր «պատրաստված»:

Ինչո՞ւ հենց այս պահին իշխանությունն որոշեց «պայթեցնել» իր գործակալին: Կարծում ենք, որ պատասխանը հայտնի է: Ավելի քան 60 հայտնի արվեստի գործիչների դիմումը ՀՀ 2-րդ նախագահի խափանման միջոցն փոխելու համար լրջորեն անհանգստացրել էր իշխանությանը: Եվ դեկտեմբերի 20-ից առաջ այն կարող էր լուրջ հոգեբանական ազդեցություն ունենալ դատավորի համար: Ահա,  թե ինչու իշխանությունը որոշեց անսպասելի քայլի և հրապարակել դեռ վաղուց պատրաստված այս «կոմպրոմատը»:

Հույս ունենալով, որ այն կարող է բալանսավորել 60 հայտնի արվեստի գործիչների դիմումին:

Այս ամենից ցցուն և պարզ երևում է, թե ինչ մեթոդների է ունակ գործել  քայլականների իշխանությունը:

Իսկ հանրության համար էլ ակնհայտ է դառնում, թե ինչ զինանոցներով են պայքարում կողմերը՝  դատարանի վրա ազդեցություն թողնելու համար:

Եթե Քոչարյանի կողմնակիցները փորձում են ազդել հանրային գործոնը հաշվի առնելով, ապա իշխանությունը՝ զգալով, որ այս դաշտում պարտվելու է որոշել է «ստուկաչական» մեթոդներով հանդես գալ:

Այսպիսին է կողմերի գործողությունների տարբերությունը, որից էլ կարելի է եզրակացնել , թե իրականում ով - ով է այս պայքարում:

Արտակ Հակոբյան