«ժողովուրդ» օրաթերթի վրա հարձակումը մարտահրավեր է նետված յուրաքանչյուրիս

Սա արդեն բեսպրեդել է. ինչ-որ հրոսակներ երեկ գիշեր պատուհանից եւ դռնից ներս են խուժել «Ժողովուրդ» օրաթերթի խմբագրություն եւ ակնհայտ է, որ նպատակը գողությունը չի եղել։

Վերջիններս տակնուվրա են արել խմբագրության և լրագրողների ողջ գրագրությունը, թղթերը, փաստաթղթերը ՝ հստակ փնտրելով իրենց անհրաժեշտ նյութեր:

Այս պահին խմբագրությունում աշխատում են իրավապահները և ես, որպես պատգամավոր, որպես նախկին լրագրող և որպես քաղաքացի, ում համար ազատ խոսքը գերակա սկզբունք է, հույս ունեմ, որ «ժողովուրդ» օրաթերթի վրա կատարված հարձակումը կբացահայտվի և կներկայացվի հանցագործների իրական նպատակը, ինչի վերաբերյալ արդեն տարբեր վարկածներ են շրջանառվում:

Մեկ բան հստակ է. նրանք, ովքեր կազմակերպել են լրատվամիջոցի վրա այս հարձակում, նրանք ուղղակիորեն հարվածել են պետության ժողովրդավարության հիմքերին:

Որևէ մեկին, որևէ ժամանակ չի հաջողվել լռեցնել ազատ խոսքը ու չի հաջողվելու՝ հանկարծ մեկի մտքով նման բան չանցնի։ Իսկ լրատվամիջոցի վրա հարձակումը մարտահրավեր է մեզանից յուրաքանչյուրին:

Սպասում ենք իրավապահների առաջին արձագանքին:

Նաիրա Զոհրաբյանի ֆեյսբուքյան էջից