Փոխնախարարը առաջարկում էր օրինականացնել թմրամիջոցները, որպեսի մարդիկ էժան, բայց որակյալ թմրամիջոց օգտագործեն

Վարչապետ Փաշինյանի թիմի բազմաթիվ ներկայացուցիչներ իշխանափոխությունից առաջ թմրանյութերի օրինականացման ջատագովներ են եղել։ Հիմա հասարակական արձագանքից ելնելով նրանք հիմնականում թաքցնում են իրենց տեսակետը թմրամիջոցների մասին, բայց իրականությունն այն է, որ նրանցից շատերը լուրջ պետական պաշտոններ են զբաղեցնում։

Թմրամիջոցների օրինականացման ակտիվ կողմնակիցներից մեկը՝ Վահե Դանիելյանը նշանակվել է արդարադատության նախարարի տեղակալ: Այս մասին հայտնում է կառավարության կայքէջը։

Վահե Դանիելյանն ավելի վաղ աշխատել է Արդարադատության նախարարության աշխատակազմում փորձագետ, ՀՀ նախագահի աշխատակազմի իրավաբանական վարչության առաջատար մասնագետ, ապա Ազգային ժողովի աշխատակազմում որպես իրավաբանական վարչության գլխավոր մասնագետ։ 2018 թ. հունիսի 8-ին նշանակվել է փոխվարչապետ Տիգրան Ավինյանի օգնական։

Դանիելյանը 2018 թվականի փետրվարի 11-ին գրառում է արել իր ֆեյսբուքյան էջում, որում մասնավորապես գրել է, որ թմրամիջոցների օգտագործումը պետք է օրինականացվի, որպեսզի մարդիկ  հնարավորություն ունենան էժանով որակյալ թմրամիջոց գնել։ Դանիելյանի կարծիքով մարդը կարող է իր մարմնի հետ անել ցանկացած բան, իսկ թմրամիջոցների օգտագործման արգելումը բերում է նրան, որ մարդիկ օրինական բայց անորակ թմրամիջոցներ են օգտագործում։

Փոխնախարարը հիմա արդեն հեռացրել է իր այս գրառումը։ Հետաքրքիր է ազատությունների սիրահար փոխնախարարը ինչու՞ է ամաչում մեկ տարի առաջ հրապարակային արտահայտած մտքերից։

Հասարակությանը պետք է նաև հուզի, թե այսօր ի՞նչ առաքելությամբ է նա նշանակվել փոխնախարար և արդյո՞ք իր օրակարգում չկա թմրամիջոցների օրինականացման հարց։

Աղբյուր՝ politik.am