Րաֆֆի Հովհաննիսյան. Վարչապետն ասաց, որ «Մարտի 1»-ի գործը բացահայտված է արդեն, բայց մենք սպասում ենք. Տեսանյութ
«Այդ իշխանական պետական համակարգն իր և իշխանական թիմի գործունեության հայելին է, արտացոլանքը: Շատ եմ ուզում, որ հանրապետության վարչապետը մեթոդաբանական մենակությունից դուրս գա, որ մնացյալը մի կողմ, ինքը հաղթահարի ինքն իրեն, որ այլևս չխոսենք այն բանից, որ ես եմ ընտրվել, ես պետք է ջարդեմ,- լրագրողների հետ հանդիպմանն ասաց «Ժառանգություն» կուսակցության խորհրդի նախագահ Րաֆֆի Հովհաննիսյանը:
«Մենք բոլորս միասին մերժեցինք նախորդ մեթոդաբանությունը: Սա հավաքականություն է, այլևս չկա «ես-ություն»: Իմ բարեմաղթանքն է, որ այդ մենակությունն այլևս չլինի: Շատ եմ ուզում, որ այսօրվա իշխանությունը մի քիչ ապրի իրենց իսկ հեղափոխական խոսքերին համապատասխան: Տեսնում եմ՝ մեկ տարում դերերը փոխվել են, տեսնում ենք թե երկու տարի առաջ հեղափոխականն ինչ էր ասում, հիմա ինչպես է խոսում, ինչպես է ապրում: Կուզենայի, որ այսօրվա իշխանությունը մի քիչ ավելի համեստ, ժուժկալ, զուսպ ապրեր որպես հեղափոխանական»,- ասաց նա:
Մանրամասները՝ տեսանյութում:
Zham.am