Վիկտոր Սողոմոնյան. Իշխանությունը պետք է հստակ պարզաբանումներ ներկայացնի Մամեդյարովի հարցազրույցի վերաբերյալ

Արցախյան հակամարտության կարգավորման վերաբերյալ մտահոգությունները շատ-շատ են, անհանգստությունները՝ բազմաթիվ, լրագրողների հետ զրույցում ասաց ՀՀ երկրորդ նախագահի գրասենյակի ղեկավար Վիկտոր Սողոմոնյանը։

Նա նաեւ տեղեկացրեց, որ այսօր հրապարակվել է Ադրբեջանի արտգործնախարար Մամեդյարովի հարցրազրույցը՝ ադրբեջանական հեռուստաընկերություններից մեկին։

«Այնտեղ պնդումներ կան, որոնք անհապաղ հերքման կարիք ունեն։ Եթե այդ հերքումներն արագ չեն հետևում, մենք պետք է ենթադրենք, որ Մամեդյարովն ինչ ասում է, ճիշտ է ասում։ Իսկ այնտեղ խոսք է գնում, որ քննարկվում է Արցախի Հանրապետության կարգավիճակը՝ Ադրբեջանի կազմում։ Հիմա այս հարցերը պարզաբանում են պահանջում։ Այդ պարզաբանումները պետք է տա իշխանությունը, և և հույս ունեմ, որ դրանք կլինեն հստակ, ոչ թե լիրիկական ձևով, որը սովոր ենք տեսնել», - ասաց Վիկտոր Սողոմոնյանը։

Հիշեցնեմ, Ադրբեջանի արտգործնախարար Էլմար Մամեդյարովը հայտարարել է Լեռնային Ղարաբաղի հակամարտության կարգավորման բանակցություններին այլընտրանք չկա: 

«Հայկական կողմի գործողությունների և հայտարարությունների 99% -ը հիմնված է հույզերի վրա: Բանակցային գործընթացը պետք է ուշադիր հետևի հասարակության մեջ ներքին տրամադրություններին՝ թե՛Հայաստանում,  թե՛ Ադրբեջանում: Սա բնական գործընթաց է և միանշանակ է: Կրքերը, ինչպես Ադրբեջանում, այնպես էլ Հայաստանում, շատ բարձր են: Մենք մեր կողմից չենք հասկանում, թե ինչու հայկական կողմը թույլ չի տալիս Ղարաբաղի հայկական համայնքին շփվել ադրբեջանական համայնքի հետ», - ասում է Մամեդյարովը:

Մանրամասները՝ տեսանյութում:

Zham.am