Խոշոր հրդեհ Բաքվի առևտրի կենտրոններից մեկում. Տեսանյութ

Արտակարգ դեպք է տեղի ունեցել Բաքվում: Ադրբեջանի մայրաքաղաքի կենտրոնում խոշոր հրդեհ է բռնկվել «Euro home» շինանյութերի շուկայում:  Տուժել է 2 մարդ: Այս մասին հայտնել է այդ երկրի արտակարգ իրավիճակների նախարարությունը:

Աղբյուրի փոխանցմամբ՝ հրդեհը բռնկվել է Բինագադիի շրջանում:

RIA Novosti-ին ականատեսները հայտնել են,  որ հրդեհը բռնկվել է շինանյութերի խանութներից մեկում, ինչից հետո կրակը տարածվել է շուկայի այլ խանութների վրա:

Հրդեհաշիջման աշխատանքներին ներգրավված է արտակարգ իրավիճակների նախարարության երեք ուղղաթիռ: