Նաիրա Զոհրաբյան. ՍԴ-ի խնդիրը քաղաքական է. Տեսանյութ

Ազգային ժողովում քննարկվում է «Սահմանադրական դատարանի մասին» սահմանադրական օրենքում լրացում կատարելու մասին հարցը: Նախագծով առաջարկվում է, որ ՍԴ դատավորները մինչև թոշակի տարիքի հասնելը կարող են ստանալ կենսաթոշակ՝ հրաժարական ներկայացնելու օրվա դրությամբ  հաշվարկված աշխատավարձի (պաշտոնային դրույքաչափի ու հավելավճարի հանրագումարի) և այդ գումարից հաշվարկված եկամտային հարկի տարբերության չափով:

ԱԺ-ում ելույթ ունեցավ ԱԺ ԲՀԿ խմբակցության պատգամավոր Նաիրա Զոհրաբյանը:

«Նախագիծ է բերվել, որը ոտքից գլուխ, աջից ձախ քաղաքական է, բացարձակապես քաղաքական։ Որ ՍԴ-ի խնդիրը քաղաքական է` այդ մասին բաց և հրապարակային իր հարցազրույցներից մեկում ասաց ՀՀ փոխվարչապետ Տիգրան Ավինյանը:  Իշխանությանը դուր չի գալիս ՍԴ կազմը, իսկ իրենք չեն ուզում, որ երկրում քաղաքական պրեսինգ չլինի։

Հիմա մեզ առաջարկվում է մեր հարկերից վճարել ՍԴ դատավորներին, որ նրանք գնան տուն, նստեն թախտին և ամսական 1 միլիոն դրամից ավել գումար։ Հարց է առաջանում՝ ինչո՞ւ։ Ստացվում է, որ մենք՝ հարկատուներս, չպետք է լուծենք անմխիթար պայմաններում գտնվող դպրոցների խնդիրները և գումարներ տանք մարդկանց, ովքեր մատնվելու են անգործության»,- շեշտել է Զոհրաբյանը։

Մանրամասները՝ տեսանյութում:

Zham.am