Դաշնակցության ներսում տեղի ունեցող գործընթացներին քամահրանքով մոտեցողները խորապես սխալվում են

Դաշնակցության ներսում տեղի ունեցող գործընթացներին քամահրանքով մոտեցողները խորապես սխալվում են:

Հայաստանում կան սիտուատիվ կուսակցություններ, որոնք ինչ-որ պահի կարող են ունենալ իշխանություն, սակայն իշխանությունը կորցնելուց հետո անէանալ, ըստ էության դադարել գոյություն ունելուց: Այսինքն նրանց գոյությունը պայմանավորված է իշխանություն ունենալով, կամ իշխանության մասնիկը լինելով:

Դրա վառ օրինակներն են ՀՀՇ-ն, Օրինաց Երկիրը և այլն: Այսպես կլինի նաև ՔՊ-ի հետ, դա ժամանակավոր կառույց է, որի ստեղծման նպատակն էր գալ իշխանության, ոչ ավելի, և իշխանության կորստից հետո այն դե ֆակտո կդադարի գոյություն ունենալ: Դաշնակցության պարագայում դա այդպես չէ: Սա կարևոր է հասկանալ ու պետք է նաև հասկանալ դրա պատճառները, որպեսզի կարողանանք ճիշտ եզրակացություններ անել:

Մյուս կարևոր պահը ներկուսակցական քննարկումների, կամ առճակատման փաստարկներն են: Կողմերը պարբերաբար բերում են կուսակցության կանոնակարգից հղումներ, որոնք մեկնաբանում են ու
դրանցով հիմնավոր իրենց տեսակետ հայտնելու իրավունքը: Մյուս կուսակցությունների դեպքում մենք նման բան չենք տեսել, անգամ նման բան պատկերացնել չի լինի: Մասնավորապես դա հնարավոր չի պատկերացնել "հեղափոխական", սակայն միաձայն քվեարկող, ներկուսակցական դիսկուսիայից զերծ իշխող ՔՊ-ում։ Այնտեղ տեսակետներ չկան, կամ կան, յուաքանչյուրի հոգու խորքում, չափազանց խորը պահված։ Մենք գործ ունենք առերևույթ տեսակետ չունեցող, հնազանդ զանգվածի հետ։

Մյուս կուսակցությունների համար կանոնակարգներն ունեն ձևական բնույթ: Դա նույնպես շատ կարևոր է ներկուսակցական հարաբերությունները ճշտելու համար:

Մյուս կարևոր պահն այն է, որ դա միակ կուսակցությունն է, որտեղ ներկուսակցական դիսկուսիա է սկսվել, որը նշանակություն ունի երկրի քաղաքական կյանքի համար: Մյուս կուսակցություններում մենք ներկուսակցական դիսկուսիա չեն տեսել:

Կարևոր է նաև, որ կոնֆլիկտն ընթանում են երիտասարդական կառույցների միջև ու բավականին գրագետ ու բովանդակային քննարկում է ընթանում: Եթե կա ներկուսակցական առճակատում, դա նշանակում է որ կյանքը չի մահացել այդ կուսակցության ներսում, առավել ևս, որ դա տեղի է ունենում ամենապահպանողական կուսակցության ներսում:

Հ․Գ․ Այնքան էլ շատ չեն մարդիկ, որոնք իմ չափ քննադատել են Դաշնակցությանը։։ Բայց դա պետք է օբյեկտիվ կերպով արվի։

Ստեփան Դանիելյանի ֆեյսբուքյան էջից