Հովիկ Աղազարյան. Թող Աննա Հակոբյանն ու Մեհրիբան Ալիևան հանդիպեն զրուցեն, միգուցե մենք ինչ-որ բան չենք հասկանում

Այսօր՝ դեկտեմբերի 6-ին, ԱԺ իմքայլական պատգամավոր Հովիկ Աղազարյանը, խոսելով Աննա Հակոբյանի հայտարարության մասին, ով Մեհրիբան Ալիևային հրավիրել էր Արցախ հյուր՝ մուղամ լսելու, ասաց, որ շատ լավ է վերաբերվում այդ հրավերին. «Վաղը չէ մյուս օրը, երբ այս ամեն ինչը վերջանա ու մենք ադրբեջանական ժողովրդի հետ գանք ընդհանուր լուծման, պետք է հարևանություն անենք:

Հիմա այդ ծիլերը դրվում են, վատ բան չկա: Իհարկե թող հանդիպեն, զրուցեն, միգուցե մենք ինչ-որ բան չենք հասկանում, միգուցե իրանք լավ տեղեկացված չեն: Շփումներն օգուտից բացի վնաս չեն տա»,- ավելացնելով «թե մենք հնարավորություն ունենք Ադրբեջանի հարցերն էլ լուծել եւ մյուս հարցերն էլ լուծենք, մենք այդ հնարավորությունները ոչ թե ֆիզիկապես չունենք, այլ աշխարհում չենք ապրում մեկուսացված, կա աշխարհ, միջազգային հանրություն, աշխարհաքաղաքական շահ, այդ ամեն ինչում մենք պետք է դրսեւորվենք եւ մեր շահը պետք է պաշտպանենք:

Հիմա Թուրքիան կա՞, թե՞ չկա, կա, Ադրբեջանն էլ նույն ձեւի պետություն է, հիմա թե 100 տարի առաջ է ստեղծվել, թե քսան՝ այլ հարց է, բայց այդ պետությունը կա, եւ մենք այդ հանգամանքի հետ պետք է հաշվի նստենք»::

Մանրամասները՝ տեսանյութում: 

Zham.am