Փաշինյանը հիմա էլ «թալանչի» անվանեց Տեր-Պետրոսյանի իշխանությանը

«Հրապարակ» թերթը գրում է. «Ավելի քան 30 տարի ՀՀ քաղաքացիների քննարկման թեման եղել ա հետևյալը՝ գողացան, թալանեցին, խոշտանգեցին, ձեռից խլեցին, գնդակահարեցին: Մոտ 30 տարի մարդկանց դիսկուրսն իշխանության մասին եղել ա էս: Եվ մոտ 30 տարի մարդկանց զգացողությունն իշխանության նկատմամբ եղել ա զզվանքը և ատելությունը»,- երեկ ԱԺ-ում հարցուպատասխանի ժամանակ հայտարարեց վարչապետը: Նիկոլ Փաշինյանի մատնանշած 30 տարվա մեջ մտնում է նաև ՀՀՇ-ի և Լևոն Տեր-Պետրոսյանի շրջանը։

Փաստորեն, Փաշինյանը երկրորդ անգամ է հայտարարում, որ իր երբեմնի դաշնակիցն ասոցացվում է ընտրակեղծիքների, կոռուպցիայի, թալանի ու գնդակահարությունների հետ։ Բայց մարդիկ բնական հարց են տալիս՝ եթե կոռուպցիայի, թալանի, կեղծիքի հիմքերը դրվել են Տեր-Պետրոսյանի իշխանության օրոք, ինչո՞ւ էր ինքը 2008-ին կանգնել այդ մարդու կողքին։

Հիշեցնենք․ Իտալիայում տեղի հայ համայնքի հետ հանդիպման ժամանակ էլ նա հայտարարել էր, որ չարիք են եղել բոլոր ղեկավարները՝ սկսած 1996-ից, որոնք տիրացել են իշխանությանը և փորձել են պահել այդ իշխանությունը»,-գրում է թերթը:

Մանրամասները՝ թերթի այսօրվա համարում: