Կրթված մարդիկ պարտավոր են արդարամիտ լինել

Իհարկե‚ Կարեն Կարապետյանը‚ Լևոն Արոնյանը‚ Արթուր Աբրահամը‚ Նարեկ Հախնազարյանը‚ աստղերը իրավունք ունեն հանրապետական դառնալու կամ հանրապետականին սատարելու։ Դա մարդու իրավունք է։

Բայց կա մի շատ ավելի խորքային և էական արժեք՝ արդարության զգացումը‚ որի բացակայությունը կամ դեֆիցիտը խանգարում է ցանկացած պետության զարգացմանը։ Որքանով է արդար աջակցել կամ անդամակցել մի կուսակցության‚ որը երկար տարիներ է կառավարում է երկիրը‚ բայց թոշակառուին վճարում է այնքան գումար‚ որը հազիվ բավարարում է ձմեռային ամիսների կոմունալները վճարելուն‚ կամ ուսուցչին վճարում է այնքան քիչ‚ որ ստիպված է կողքից մասնավոր պարապել‚ որպեսզի ապրի։

Պարզապես այս կամ այն ուժին սատարելու մասին որոշում կայացնելը ոչինչ է։ Կարևոր է այդ որոշման հիմքում ինչ արժեքներ կան։ Կրթված մարդիկ պարտավոր են արդարամիտ լինել‚ ոչ թե աչք փակել ու կանգնել իշխանավորի կողքը։ Լավ եմ անում‚ պաշտպանում եմ‚ տարբերակը ճիշտ չէ։

Սերոբ Խաչատրյանի ֆեյսբուքյան էջից