Ալեն Սիմոնյանը համամի՞տ չէ Գագիկ Ծառուկյանի հետ նրա բիզնեսների պաշտպանվածության հարցում

Երեկ ԱԺ-ում Ծառուկյանը  հայտարարությամբ հանդես եկավ՝ համաձայն որի «...այսօր միայն իր բիզնեսներն են ստուգում...»՝  ակնարկելով, որ իշխանությունը հենց իրեն է ընտրել որպես գլխավոր թիրախ: Հասկանալի է, որ Ծառուկյանի այս հայտարարությունը ակնհայտ քաղաքական բնույթ ուներ, որով նա փորձում էր մեսիջ ուղղել հանրությանը, որ իշխանությունը հենց իրեն է ընտրել գլխավոր թիրախ:

Ինչպես միշտ իշխանության կողմից նմանատիպ հարցադրումներին  Ծառուկյանին հակադարձեց Ալեն Սիմոնյանը՝ նշելով, որ «..որևէ մեկը որևէ մեկին չի թիրախավորել:  Ես վստահ եմ, որ այսօր Գագիկ Ծառուկյանի բիզնեսները, որոնք ինքը հանձնել է  կառավարման շատ ավելի պաշտպանված են, քան երբևիցե»:

Փաստորեն Ալեն Սիմոնյանը Ծառուկյանից էլ ավելի լավ գիտի, թե Ծառուկյանի բիզնեսները ինչ բարձր աստիճանի է «պաշտպանված»:

Պետք է նշել, որ Սիմոնյանի  այսպիսի  պահվածքը բնորոշ է Փաշինյանի ողջ թիմին: Արայիկ Հարությունյանի դիպուկ ձևակերպմամբ այսօրվա իշխանությունը դեռ անցած ընտրություններից դարձել է անդաստիրակ, երբ նրանք ստացան ձայների ավելի քան 80 տոկոսը: Մարդկանց կողմից մեծ վստահությունը ուղղակիորեն հարբեցրեց Փաշինյանին ու իր թիմին:

Սակայն այսօր նրանք  հայտնվել են  նախկին իշխանության վիճակում, այսինքն՝ իրականությունից կտրված և ոչ ադեկվատ: Քանզի չեն գիտակցում, թե ինչ  աստիճանի է փոխվել հանրային կարծիքը իրենց մասին և բումարանգի օրենքի համաձայն ինչ ատելության ալիք է վերադատնալու իրենց: Դրա համար էլ նրանք այսօր իրենց պահում են սանձարձակ և աշխատում են բարձր տոներով արտահայտվել, որպեսզի նրանց մեջ վախի մթնոլորտ չմտնի և թիմը խուճապի մեջ չհայտնվի:

Սակայն այս պահվածքը էլ ավելի է նյարդայնացնում մարդկանց, և վերջիններս հասկանում են, որ գործ ունեն  անուղղելի, ոչ ադեկվատ մարդկանց հետ, որոնք իրենց սեփական շահերի սպասարկման համար ոչնչի առջև չեն կանգնելու: Եվ ուրեմն այլևս նրանցից լուրջ ակնկալիքներ չպետք է ունենալ:

Սա է իրականությունը:

Դավիթ Մկրտչյան