Իմանալով Ծառուկյանի քաշը, հզորությունը՝ ռիսկ չեն արել առաջարկել նվեր տամ՝ շինթույլտվության դիմաց. Տեսանյութ
Գագիկ Ծառուկյանն այսօր պատասխանելով լրագրողների հարցին՝ եղել է արդյո՞ք, որ իշխանություններն իր առջև պայման դնեն, ասեն՝ «այստեղ այսքան մեքենա տուր, այս հիմնադրամին այսքան գումար մուծվի ու լավ աչքով կնայենք», նշեց որ մանալով Ծառուկյանի քաշը, հզորությունը՝ ռիսկ չեն արել առաջարկել նվեր տամ՝ շինթույլտվության դիմաց:
«Ծառուկյանի դիրքը, կշիռը այնպես է եղել, որ... ես մնացածի նման չեմ: Ծառուկյանն ինչ մտածում է՝ ասում է, Ծառուկյանը չի մտածում, որ վայ հեսա իմ հետեւից կընկնեն: Ծառուկյանի դիրքն ու կշիռն այլ է եղել, դուք իմ ելույթներից կարող եք տեսնել: Ես մնացածի նման չեմ, այդպիսի բան չի կարող լինել», -նշեց Ծառուկյանը:
Նա նաեւ ասաց, որ ինքը չի վախենում ասել այն, ինչ մտածում է.
«Ծառուկյանն ուզում է, որ լավ լինի, Ծառուկյանի համար կարևոր չէ, թե որ կուսակցություն է, ում բարեկամն է: Ծառուկյան ուրախանում է իր ժողովրդի համար, Ծառուկյանն ուրախանում է, որ իր երկրում լավ լինի, տնտեսություն զարգանա, չեմպիոններ ունենք, մարդիկ չգնան, գնացածները վերադառնան, դեմքներին ժպիտ լինի, որ մարդիկ ադաթն ու ավանդույթն իր երկրում ստանա: Մարդիկ կարիքից դրդված են գնացել, բայց բոլորն ուզում են վերադառնալ», -նշեց Գագիկ Ծառուկյանը:
Մանրամասները՝ տեսանյութում:
Zham.am
Հետևեք մեզ Facebook-ում