«Հայաստան» համահայկական հիմնադրամի հեռուստամարաթոնի թվերը հուշում են, որ Փաշինյանի նկատմամբ Սփյուռքի վստահությունը միֆ է

Եվ այսպես, ավարտվեց «Հայաստան» համահայկական հիմնադրամի հեռուստամարաթոնը,  և  hաջողվեց հավաքել  ընդամենը 9 միլիոն 856 հազար 100 դոլար։ Համեմատության համար նշենք, որ 2018-ին հավաքվել էր 11 մլն 109 հազար 633 դոլար,  իսկ   2017 թ.-ին՝ 12, 505, 456 դոլար:

Այս ցանկը շարունակելով նշենք, որ, օրինակ,  անցյալ տարիներին ցուցանիշները էլ ավելի տպավորիչ էին:

Օրինակ՝  2004-ին հավաքվել էր 11,400,000  դոլար, 2006-ին՝  13,700,000, 2007-ին՝     15,252, 000, 2008-ին՝  35,009,136 դոլար, 2009-ին՝ 15,875,043, 2010՝ 20,862,733 դոլար:

Այս թվերը ցույց են տալիս  Փաշինյանի հանդեպ Սփյուռքի  իրական վստահության ցուցանիշը, իսկ թվերն,  ինչպես հայտնի է,  խոսքերից ավելի համոզիչ են:

Սրանից հետո այլևս Փաշինյանը չի կարողանալու հղում անել՝ իբր Սփյուռքում իր բարձր վարկանիշի վրա:

Այս ցուցանիշները լուրջ հարված էին Փաշինյանի համար նաև այն տեսանկյունից, որ անցած տարվա համեմատ այս տարվա ցուցանիշները զգալիորեն պակասել են: Իսկ դա նշանակում է, որ ինչպես Հայաստանում, այնպես էլ Սփյուռքում սկսել են հասկանալ, որ այն հույսերը որոնք արթնացել էին 2018-ի ապրիլյան հեղափոխությանը  Փաշինյանի համառ ջանքերով հօդս են ցնդել:

Այսօր մենք գործ ունենք, փաստացի, վարկանիշի առումով  սրընթաց գահավիժող մի գործչի հետ, ով արդեն ինքնել է հասկացել, որ իր հանդեպ վստահության վարկանիշը կտրուկ անկում է ապրել,  ընդ որում  ոչ միայն Հայաստանում:

Սա է իրականությունը:

Արտակ Հակոբյան